აჭარის პროკურატურას ქალი პირველად უხელმძღვანელებს

აჭარის პროკურორად ნათია სონღულაშვილი დაინიშნა. იგი აქამდე საპროკურორო საბჭოს წევრი იყო და მთავარი პროკურატურის საგამოძიებო ნაწილის სამმართველოს უფროსი. აჭარის პროკურატურას აქამდე ლევან პაქსაშვილი ხელმძღვანელობდა, რომელიც ახლა კახეთის პროკურორად დანიშნეს.

საქართველოს პროკურატურის მიერ გავრცელებული ინფორმაციის მიხედვით, თბილისის პროკურორად მალხაზ კაპანაძე დაინიშნა, დასავლეთ საქართველოს  პროკურორად – შოთა ტყეშელაშვილი, შიდა ქართლისა და მცხეთა-მთიანეთის პროკურორად – ავთანდილ კოჭლამაზაშვილი, სამცხე-ჯავახეთის პროკურორად – შოთა რიჟამაძე.

39 წლის ნათია სონღულაშვილი თბილისის ყოფილი მერის, გიგი უგულავას და საქართველოს მესამე პრეზიდენტის, მიხეილ სააკაშვილის სისხლის სამართლის საქმეებში ბრალდების მხარეს წარმოადგენდა. ამ სისხლის სამართლის საქმეში ერთ-ერთი ეპიზოდი იყო მიხეილ სააკაშვილისათვის დიდ ბრიტანეთში 7 პიჯაკისადა ერთი ქაშმირის სპორტული პალტოს შესაძენად გადახდილია 49 499 ლარი და ხელით ნაკეთი 2 კოსტუმის შესაძენად – 7 994,84 ლარი.

2009-2013 წლებში ნათია სონღულაშვილი მუშაობდა საქართველოს მთავარი პროკურატურის შინაგან საქმეთა სამინისტროს საზოგადოებრივი უსაფრთხოების სამსახურებში, საგარეო დაზვერვის სპეციალურ სამსახურში, თავდაცვისა და სასჯელაღსრულების, პრობაციის და იურიდიული დახმარების საკითხთა სამინისტროებში გამოძიების საპროცესო ხელმძღვანელობის დეპარტამენტის შინაგან საქმეთა სამინისტროს საზოგადოებრივი უსაფრთხოების სამსახურებში გამოძიების საპროცესო ხელმძღვანელობის სამმართველოს უფროსი პროკურორის პოზიციაზე;

20013-2014 წლებში იყო საქართველოს მთავარი პროკურატურის საგამოძიებო ნაწილის საპროკურორო ზედამხედველობის სამმართველოს პროკურორი;