ჯანსაღი ცხოვრების წესს რომ მივყვეთ, ყველაზე მარტივი და სახალისო აუზზე სიარულია. თუმცა, როცა დღის წესრიგში აუზის შერჩევის საკითხი დგება, გადაწყვეტილების მიღება გვიჭირს. ეს იმიტომ ხდება, რომ აუზების შესახებ ინფორმაცია მწირია და მომხმარებელმაც ნაკლებად იცის, თუ რა კრიტერიუმებით შეარჩიოს აუზი. ამიტომაც გთავაზობთ აუზის შერჩევისას გასათვალისწინებელ აუცილებელ მახასიათებლებს:
ვისაც ცურვა გიყვართ, დამეთანხმებით, რომ ყველაზე მნიშვნელოვანია აუზის სიგრძე და ბილიკების რაოდენობა. სასურველია აუზი პასუხობდეს ოლიმპიურ სტანდარტებს. ეს ნიშნავს რომ: აუზის სიგრძე 50 მეტრია, სიგანე – 25 მ, ხოლო სიღრმე – 2 მეტრი. აუზი დაყოფილი უნდა იყოს ბილიკებად, რომლებიც ერთმანეთისგან ბაგირებითაა გამოყოფილი. ასე მოცურავეები ერთმანეთს ხელს არ შეუშლიან ცურვის დროს. დასაწყისსა და დაბოლოებაში ხუთ-ხუთი მეტრით ბაგირები წითელი ფერისაა, რომ მოცურავეს შეეძლოს მარტივად განსაზღვროს თუ როდის უახლოვდება აუზის ჯებირს და თავიდან აიცილოს შეჯახება.
უმნიშვნელოვანესია აუზის წყლისა და მიმდებარე ტერიტორიის სისუფთავის და ხარისხის შენარჩუნება. აუზში წყალი სისტემატიურად უნდა გაიწმინდოს. ოლიმპიურ აუზში წყალი იფილტრება სილის ფილტრებით – წყალში არსებული მექანიკური მინარევები ილექება სილაში, ხოლო ფილტრაციაში განთავსებულია ულტრა იისფერი სხივებით შესაძლებელია წყლის ბაქტერიციდური დამუშავება. აუზის ფსკერსა და კედლებს მყვინთავი ასუფთავებს, რათა აუზში არ გაჩნდეს ნადები და ხავსი. ამის შემდეგ აუზი საბოლოოდ უნდა დასუფთავდეს სპეციალური ტექნიკით (რობოტით).
აუზს უნდა ჰქონდეს გამართული ვენტილაცია და გამწოვი სისტემა. ოლიმპიური აუზის შემთხვევაში გამწოვი სისტემა საათში 3500 კუბ/მ ჰაერს აწვდის აუზის ტერიტორიას, რომელიც ინარჩუნებს ჰაერის ტემპერატურას 29-30 გრადუსზე და ჰაერის ფარდობით ტენიანობას (აუზის ტერიტორიაზე დასაშვები ტენიანობა არის 60-65 %). სასურველია დახურულ აუზს ჰქონდეს ტრანსფორმირებადი (გადასახსნელი) გამჭვირვალე სახურავი. ეს შესაძლებლობას იძლევა, წლის ნებისმიერ დროს, კარგი ამინდის შემთხვევაში მომხმარებელმა მიიღოს მზის აბაზანები და ბუნებრივი ატმოსფერული ჰაერი.
ზამთრის პერიოდში წყლის ტემპერატურა უნდა იყოს 28 გრადუსი, ხოლო ზაფხულში 26-27 გრადუსი. აუზის ზომებიდან გამომდინარე წყლის სარკის ყოველი ერთი მეტრიდან დღე-ღამეში დაახლოებით 400 მლ. ლიტრი წყალი ორთქლდება. შესაბამისად, აუზს ახალი წყლი ემატება ყოველდღიურად. ამ გზით, წელიწადში დაახლოებით 2-ჯერ, აუზის წყალი მთლიანად იცვლება.
აუზსა თუ ზღვაში ცურვისას მნიშვნელოვანია თავს უსაფრთხოდ გრძნობდეთ. ცურვის დროს ხშირია ფეხის გაკავება, კუნთის გაფსკვნა და სხვა მრავალი მიზეზი, რამაც თქვენს ჯანმრთელობას შეიძლება საფრთხე შეუქმნას. სწორედ ამიტომაც აუცილებელია აუზს ემსახურებოდეს პროფესიონალ მაშველთა ჯგუფი. მათ თქვენი და თქვენი შვილების უსაფრთხოებასა და სიმშვიდეზე უნდა იზრუნონ.
აუცილებელია აუზში ჩასვლამდე ყველა მომხმარებელმა გაიაროს სამედიცინო შემოწმება, რათა მინიმუმამდე იყოს დაყვანილი ჯანმრთელობისთვის მავნე მიკრობების აუზზე მოხვედრა. თუ თქვენ შემოწმებას გთხოვენ, ეს ნიშნავს, რომ სტანდარტები დაცულია და აუზის მენეჯმენტი ზრუნავს როგორც თქვენი, ისე სხვა ნებისმიერი მომხმარებლის ჯანმრთელობაზე.
აუზთან არსებულ ფიტნეს დარბაზებში ხშირად დამოუკიდებლად გიწევთ ვარჯიში, რამაც შეიძლება უკუშედეგი გამოიღოს. კარგი იქნება თუ ისეთ ფიტნეს დარბაზში ივარჯიშებთ, სადაც ინსტრუქტორები დაგეხმარებიან ვარჯიშების შერჩევასა და დატვირთვაზე.
აუზიდან ამოსვლის შემდეგ ჯაკუზით სარგებლობა განტვირთვისთვის კიდევ ერთი შესაძლებლობაა. პირადი ჰიგიენის თვალსაზრისით არ არის რეკომენდებული ქალები და კაცები ერთიანი ჯაკუზით სარგებლობდნენ, ამიტომაც დააკვირდით აუზზე თუ არის ჯაკუზები გამიჯნული ერთმანეთისგან. ჯაკუზიში სისტემატიურად უნდა ხდებოდეს წყლის ცირკულაცია (წყლის განახლება) და დასუფთავდეს იგივე პრინციპით, როგორც აუზის წყალი. წყლის ტემპერატურა უნდა იყოს 35-37 გრადუსს.
სასურველია აუზზე დამატებითი სერვისები არსებობდეს, მათ შორის ფინური საუნა, სადაც იქმნება სპეციალური მიკრო კლიმატი ტემპერატურით 90-100 გრადუსამდე. ეს ხელს უწყობს ოფლდენას. საუნაში სიარული რეკომენდებულია პროფილაქტიკისა და გაჯანსაღების მიზნით. საუნას გამოყენება დაგეხმარებათ შრომის უნარიანობის აღდგენაში, განსაკუთრებით მძიმე ფიზიკური და გონებრივი დატვირთვის შემდეგ. საუნა აძლიერებს ორგანიზმის იმუნიტეტს. საუნას ზეგავლენით კლებულობს ტკივილი კუნთებსა და სახსრებში, ქრება დაღლილობის შეგრძნება.
სასურველია აუზზე დამატებითი სერვისები არსებობდეს, როგორიცაა ქალებისთვის აკვა აერობიკა. ეს არის ვარჯიშის ერთ-ერთი სახეობა, რომელიც სასარგებლოა წონის კორექციისთვის, კუნთების გამკვრივებისა და ჯანმრთელობისთვის. წყალში ვარჯიში უსაფრთხოა და არ აქვს უკუჩვენება. ის სასარგებლოა ხერხემლის სხვადასხვა დაავადებისთვის, ვარიკოზისთვის, სისხლის მიმოქცევისთვის და, რა თქმა უნდა, წონის კორექციისთვის.
წყალში კუნთები ორმაგად არის დატვირთული და შედეგი უფრო ეფექტურია. ვარჯიში სასურველია კვირაში 3-ჯერ, დღეში 45 წუთი.
ყველა ამ კრიტერიუმს დასავლეთ საქართველოში მხოლოდ ერთი აუზი აკმაყოფილებს – “მარდი პლაზა”. პლაზას ოლიმპიური აუზი სხვადასხვა ასაკის, დატვირთვის და ფინანსური შესაძლებლობის ადამიანებს სთავაზობს მათზე მორგებულ სერვისებსა და პაკეტებს.
დაგვიკავშირდით: 0422 29 44 01 ; fb.com/mardiplaza ; Mardiplaza.ge
