დონალდ ტრამპი აცხადებს, რომ შეიარაღებულ მასწავლებლებს შეუძლიათ სკოლაში ისეთი ფაქტების აღკვეთა, როგორსაც ფლორიდაში წინა კვირას 17 ადამიანის სიცოცხლე ემსხვერპლა. აშშ-ს პრეზიდენტი აცხადებს, რომ შეიარაღებული მასწავლებლები შეძლებენ თავიდანვე სწრაფად აღკვეთონ სკოლებში თავდასხმები.
ინფორმაცია BBC-მ ოთხი საათის წინ გაავრცელა.
ტრაგედიას გადარჩენილები კი იარაღზე კონტროლის გამკაცრებას მოითხოვენ ფლორიდის კანონმდებლებისგან.
„ჩვენ გავამკაცრებთ კონტროლს იარაღზე და მივაქცევთ ყურადღებას ადამიანების ფსიქიკურ ჯანმრთელობას“, – განაცხადა ტრამპმა თეთრ სახლში სკოლის მოსწავლეების მიღებაზე.
I will always remember the time I spent today with courageous students, teachers and families. So much love in the midst of so much pain. We must not let them down. We must keep our children safe!!
Full Listening Session: https://t.co/x5VenyQX5p pic.twitter.com/CAPfX5odIp
— Donald J. Trump (@realDonaldTrump) February 22, 2018
ტრამპი საზოგადოებას დაჰპირდა, რომ შეიარაღებული მასწავლებლების საკითხი სერიოზულად იქნება განხილული.
„თქვენ რომ გყავდეთ მასწავლებლები, რომლებიც დახელოვნებულები იქნებიან ცეცხლსასროლი იარაღის სროლაში, ისინი ძალიან სწრაფად და მარტივად შეძლებენ თავდასხმის აღკვეთას,“ – განაცხადა აშშ-ის პრეზიდენტმა.
ტრამპი მიიჩნევს, რომ შესაბამისი უნარების გამოსამუშავებლად მასწავლებლებმა სპეციალური მომზადება უნდა გაიარონ და ისწავლონ ცეცხლსასროლი იარაღის მოხმარება.
აშშ-ის ათამდე შტატში უკვე დასაშვებად მიიჩნევენ კოლეჯებში მასწავლებლების მიერ იარაღის ფარულად ტარებას, თუმცა ეს ჯერ დაუშვებელია ფლორიდაში, ტრაგედიის ადგილას.
აღსანიშნავია, რომ დონალდ ტრამპი 2016 წლის საარჩევნო კამპანიის დროს ხაზგასმით ეწინააღმდეგებოდა სკოლაში იარაღის ტარების დაშვებას.
Crooked Hillary said that I want guns brought into the school classroom. Wrong!
— Donald J. Trump (@realDonaldTrump) May 22, 2016
ოთხშაბათს აშშ-ის პრეზიდენტს იარაღის ტარების უფლების რეფორმა ოფიციალურად სთხოვეს სტუდენტებმა და მასწავლებლებმა.
სტუდენტებსა და მოსწავლეებთან თეთრ სახლში გამართულ შეხვედრაზე დამსწრეთა ერთმა ჯგუფმა მხარი დაუჭირა ტრამპის იდეას მასწავლებლების შეიარაღების შესახებ.
თუმცა გამოჩნდნენ მოწინააღმდეგეებიც: მარკ ბარდენმა, მაგალითად, ვისი შვილიც 2012 წელს კონექტიკუტის შტატში, სენდი ჰუკის სკოლაში მოკლეს, განაცხადა, რომ იარაღი პრობლემას ვერ მოაგვარებს. ,,სკოლის მასწავლებლებს სიკვდილის მომტანი იარაღის ტარებაზე ბევრად უფრო მნიშვნელოვანი პასუხისმგებლობები აქვთ, არავის სურს სკოლებში სროლები ,“- მიიჩნევს ის.
წყარო: BBC
