აზერბაიჯანის პრეზიდენტმა, ილჰამ ალიევმა, ბათუმში აზერბაიჯანის გენერალური კონსულის პოსტზე ფარვიზ ჯაფარ ოღლუ ისმაილზადე დანიშნა. ალიევმა ბრძანებას ხელი 19 თებერვალს მოაწერა.
ისმაილზადე აქამდე არაბთა გაერთიანებულ საამიროებში, დუბაიში მუშაობდა აზერბაიჯანის გენერალური კონსულის პოსტზე. იგი დუბაიდან ალიევმა 2018 წლის 29 იანვარს გაიწვია, სწორედ იმ დღეებში აზერბაიჯანის პრეზიდენტმა ელჩები და კონსულები არაერთ ქვეყანასა და ქალაქში შეცვალა, მათ შორის ბათუმშიც.
