Batumelebi | BATUMI MusicFest -ს ორი გამარჯვებული ჰყავს BATUMI MusicFest -ს ორი გამარჯვებული ჰყავს – Batumelebi
RU | GE  

BATUMI MusicFest -ს ორი გამარჯვებული ჰყავს

 

 

დღეს 14 სექტემბერს, ბათუმში ცნობილი ქართველი პიანისტის ელისო ბოლქვაძოს მიერ დაარსებულ ფესტივალზე  – BATUMI MusicFest, ახალგაზრდა ტალანტების კონკურსში ილია ლომთათიძემ [პიანისტი] და მარიამ ობოლაშვილმა [ვიოლინო] გაიმარჯვეს. ფესტივალზე მხოლოდ ერთი პრიზი იყო დაწესებული, თუმცა კონცერტის შემდეგ ჟიურის გადაწყვეტილებით პრიზი გაიყო.  საპრიზო თანხა ათასი ლარია. 

 

კონკურსისი გამარჯვებული -მარიამ ობოლაშვილი

 

 

 ნორჩი ტალანტების კონკურსში მუსიკოსები საქართველოს სხვადასხვა რეგიონიდან მონაწილეობდნენ.  კონკურსისთვის 14 ბავშვი შეირჩა. მათგან გამარჯვება მხოლოდ ორმა – მარიამ ობოლაშვილმა და ილია ლომთათიძემ მოიპოვეს. ორივე გამარჯვებული თბილისიდანაა. ილია ლომთათიძე თბილისის ევგენი მიქელაძის სახელობის მუსიკალური სკოლის მოსწავლეა, მარიამ ობოლაშვილი კი თბილისის კონსერვატორიის სამუსიკო სემინარიის მე-5 კლასის მოსწავლეა.

 

ახალგაზრდა ტალანტების კონცერტს ფესტივალის დამფუძნებელი  და იუნესკოს „ხელოვანი მშვიდობისთვის“ ტიტულის მფლობელი, ელისო ბოლქვაძე და იუნესკოს გენერალური მდივნის მოადგილე ერიკ ფალტიც ესწრებოდნენ. 

 

ახალგაზრდა  ტალანტების კონცერტი ბათუმის კონსერვატორიის საკონცერტო დარბაზში გაიმართა.   BATUMI MusicFest ის ფარგლებში  ახალგაზრდა შემსრულებლებს მასტერ-კლასები ჩაუტარდათ. 

 

კონკურსის მეორე გამარჯვებული ილია ლომთათიძე

 

 

 

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები”