Batumelebi | მუსიკა მშვიდობისთვის – ელისო ბოლქვაძე დევნილი ბავშვების დასახმარებლად მუსიკა მშვიდობისთვის – ელისო ბოლქვაძე დევნილი ბავშვების დასახმარებლად – Batumelebi
RU | GE  

მუსიკა მშვიდობისთვის – ელისო ბოლქვაძე დევნილი ბავშვების დასახმარებლად

 

დღეს 14 სექტემბერს ბათუმში, სასტუმრო „დივანი“-ში ცნობილმა ქართველმა პიანისტმა, „იუნესკოს ხელოვანი მშვიდობისთვის“ ტიტულის მფლობელმა ელისო ბოლქვაძემ და იუნესკოს გენერალური მდივნის მოადგილემ ერიკ ფალტმა პრესკონფერენცია გამართეს. ერიკ ფალტი საქართველოში იუნესკოს 70-იუბილესადმი მიძღვნილ ღონისძიებებზე დასასწრებად იმყოფება. ის მუსიკალური ფესტივალის BATUMI MUSIC FEST-ს დახურვასაც დაესწრება, რომელიც ხვალ მუსიკალურ ცენტში საღამოს რვა საათზე გაიმართება. კონცერტი საქველმოქმედოა და შემოსული თანხა სირიიდან დევნილი ბავშვებისთვის საგანმანათლებლო პროგრამების შექმნას მოხმარდება. 

ერიკ ფალტმა მადლობა გადაუხადა ქართველ პიანისტს ფესტივალისთვის და იმ სამშვიდობო მისიისთვის, რომელსაც ის იუნესკოს სახელით მთელ მსოფლიოში ახორციელებს:

„ეს კვირა ნამდვილად მნიშვნელოვანია, რადგან ჩვენ ვზეიმობთ იუნესკოს 70-ე იუბილეს და ქალბატონმა ირინა ბუკოვამ, რომელიც იუნესკოს გენერალური დირექტორი გახლავთ, სპეციალურად მომანიჭა მე ეს მოვალეობა რომ მთელი მსოფლიოს მასშტაბით თვალყური ვადევნო თუ როგორ ხდება იუნესკოს იუბილეს აღნიშვნა. მე განსაკუთრებული შთაბეჭდილების ქვეშ ვარ იმის გამო, რაც საქართველოში ხდება.

მიზეზი, თუ რატომ მიმაჩნია რომ საქართველოში განსაკუთრებული პატივი მიაგეს იუნესკოს იუბილეს აღნიშვნას არის არა მარტო ის რომ იუნესკო მსოფლიო მასშტაბის ორგანიცაა, არამედ იმიტომ რომ საქართველოში პატივს სცემენ  იმ იდეას, რომლის საფუძველზეც დაარსდა იუნესკო და მანდატებს რომელიც გააჩნია იუნესკოს კულტურული, სამეცნიერო, საგანმანათლებლო, კომუნიკაციის და ა.შ. მიმართულებით.


ერიკ ფალტი

ასევე მინდა ელისოს განსაკუთრებული მადლობა ვუთხრა იმ ერთგულებისთვის რომელსაც ჩვენი ორგანიზაციის მიმართ იჩენს და ძალიან ვაფასებ იმ წვლილს, რომელიც შეაქვს იუნესკოს საქმიანობაში.

ელისო გახლავთ ის პიროვნება, რომელსაც ძალიან მაღლა უჭირავს  საქართველოს დროშა იუნესკოში და მიზანი ჩვენი საქმიანობის არის ის რომ მხარი დავუჭიროთ და შევაგროვოთ გარკვეული  თანხები იმ ბავშვების დასახმარებლად, რომლებიც ლტოლვილები არიან.  განათლება არის ძალიან მნიშვნელოვანი ლტოლვილი ბავშვებისთვის. ჩვენ დავიწყეთ საგანმანათლებლო პროგრამების შექმნა პალესტინელი ბავშვების დასახმარებლად და დღეისთვის, გაეროს თუ სხვადასხვა საერთაშორისო ორგანიზაციების მეშვეობით გვინდა გავზარდოთ  დახმარების მასშტაბი.

ვაფასებ ელისოს მცდელობას, რომელიც მიმართულია სირიიდან გამოდევნილი ბავშვების დასახმარებლად. დღეს მთელ მსოფლიოს აღელვებს ეს საკითხი. ისიც ვიცით თუ რაოდენ რთულ პირობებში უხდებათ ყოფა და ელისო სწორედ ამ კუთხით ეხმარება ჩვენს ორგანიზაციას“- განაცხადა ერიკ ფალტმა.

მან ასევე ისაუბრა მუსიკის როლზე მშვიდობის დარგში და თქვა რომ  მუსიკა არის ყველაზე კარგი საშუალება იმისათვის რომ სწორედ მუსიკის მეშვეობით მოხდეს ჰარმონიის გაზიარება ადამიანებისთვის.

ერიკ ფალტმა ქართულ მუსიკალუ მემკვირეობაზეც ისაუბრა:

„მე ვიცი რომ მუსიკა საქართველოსთვის  არის ტრადიციული კულტურული მემკვიდრეობის ნაწილი და განეკუთვნება არამატერიალური კულტურული მემკვიდრეობის უმნიშვნელოვანეს სფეროს.  ამ ფესტივალით კი არა მარტო ქართულ მუსიკას ვეცნობით, არამედ მთელი მსოფლიოდან ჩამოსული მუსიკოსების ხელოვნების ნახვის შესაძლებლობა გაგვაჩნია“.

ელისო ბოლქვაძე

ფესტივალი BATUMI MUSIC FEST-ს რომელიც ელისო ბოლქვაძემ დააარსა, ბათუმში მესამედ ტარდება.

„გარდა საქველმოქმედო საქმიანობისა, ვფიქრობ, ფესტივალის ფარგლებში კიდევ ერთი   სერიოზული განაცხადი გაკეთდა, რადგან გვაქვს ძალიან სერიოზული მასტეკლასები ახალგაზრდა შემსრულებლებისთვის. ვფიქრობ რომ ფესტივალს აქვს დიდი დანიშნულება და დარწმუნებული ვარ შედეგიც არ დააყოვნებს. გარდა ამისა, მე როგორც არტისტს,  ბავშვების საგანამანათლებლო პროგრამების ხელშეწყობა პეციალურად მაქვს აღებული“- განაცხადა ელისო ბოლქვაძემ.

ნეტგაზეთის მასალების სხვა გამოცემებში გადაბეჭდვის წესი
ლელა დუმბაძე