მთავარი,სიახლეები

ბათუმში 17 თებერვლიდან ტრანსპორტის მოძრაობის სქემა დროებით შეიცვლება

15.02.2018 • 5060
ბათუმში 17 თებერვლიდან ტრანსპორტის მოძრაობის სქემა დროებით შეიცვლება

ბათუმის მერიის ინფორმაციით, ბაქოს ქუჩაზე დაგეგმილი ესტაკადის მშენებლობასთან დაკავშირებით,  17 თებერვლიდან ტრანსპორტის მოძრაობის სქემა დროებით შეიცვლება. კერძოდ, ქალაქიდან გამსვლელი, ბაქოს ქუჩის მიმართულებით მოძრავი ავტოსატრანსპორტო საშუალებები ორი მარშრუტით შეძლებენ გადაადგილებას:

1. გოგებაშვილი -> შავშეთი -> ერისთავი;

2. გოგებაშვილი -> შავშეთი -> მაიაკოვსკი.

ავტოსატრანსპორტო საშუალებები, ნებისმიერი ჩამოთვლილი მარშრუტით, გოგოლისა და ნონეშვილის ქუჩებისა და ბარცხანის ხიდის გავლით, ცენტრალურ გზას დაუკავშირდებიან.

მოძრაობის სქემა უცვლელი რჩება ბათუმში შემომსვლელი ავტოსატრანსპორტო საშუალებებისთვის.

გარდა ამისა, მერიის ცნობით, მოძრაობა ცალმხრივი გახდება გოგოლის ქუჩაზე, მაიაკოვსკიდან ნონეშვილის ქუჩის მიმართულებით.

შეზღუდვები ესტაკადის მშენებლობის დასრულებისთანავე გაუქმდება.

ბათუმში, პორტის მიმდებარედ, ესტაკადა 2018 წლის 20 სექტემბრამდე უნდა აშენდეს.

 

გადაბეჭდვის წესი


ასევე: