სიახლეები

სოფელ საციხურში მეწყრული პროცესი განვითარდა

09.02.2018 • 1465
სოფელ საციხურში მეწყრული პროცესი განვითარდა

ხულოს მერის მოადგილის, ლაშა ბოლქვაძის ინფორმაციით, ღორჯომის ხეობაში, სოფელ საციხურში, რამდენიმე საცხოვრებელი სახლის მიმდებარედ მეწყრული პროცესი განვითარდა. მისივე თქმით, ხულოს მერიამ ადგილის შესწავლის თხოვნით გეოლოგებს წერილით უკვე მიმართა.

ლაშა ბოლქვაძის ინფორმაციით, საფრთხის დიდი რისკები არ არის და ამ დროისთვის არც ოჯახების განსახლებაა საჭირო.

„მერიაში შემოვიდა ინფორმაცია, რომ საცხოვრებელი სახლის მიმდებარედ ნაპრალი გაჩნდა, შეტყობინებისთანავე მერიის თანამშრომლები გავიდნენ ადგილზე და ვიზუალურად დაათვალიერეს. ნაპრალი ოთხ საცხოვრებელ სახლთანაა გაჩენილი, მათგან ერთი სახლი შედარებით ახლოსაა, ნაპრალი არ არის დიდი, თუმცა გეოლოგიურ სამსახურს მივმართეთ, რომ რაც შეიძლება ოპერატიულად ამოვიდნენ და მოხდეს ტერიტორიის გეოლოგიური შესწავლა. მერია გეოლოგიური დასკვნის შესაბამის ღონისძიებას გაატარებს,“ – ამბობს მერის მოადგილე.

გადაბეჭდვის წესი


ასევე: