ნეტგაზეთი • RU

პერსონალურ მონაცემთა დაცვის ინსპექტორის აპარატის წარმომადგენლების ვიზიტი აჭარაში

 

დღეს, 16:00 საათზე, დემოკრატიული ჩართულობის ცენტრში (USAID) პერსონალურ მონაცემთა დაცვის ინსპექტორის აპარატის უფროსი იურისტი ეკა გორდაძე და საჯარო და კერძო სექტორზე ზედამხედველობის სამმართველოს უფროსი ოთარ ჩახუნაშვილი ადგილობრივ არასამთავრობო ორგანიზაციების წარმომადგენლებს შეხვდებიან.

 

 

ინსპექტორის აპარატის წარმომადგენლები საინფორმაციო შეხვედრაზე უპასუხებენ ორგანიზაციების წარმომადგენლების მიერ დასმულ შეკითხვებს მონაცემთა დამუშავების თაობაზე, ასევე ისაუბრებენ პერსონალური მონაცემების დაცვის შესახებ კანონსა და მის პრაქტიკაში დანერგვის პროცესზე, შეხვედრაზე განიხილავენ, ინსპექტორის აპარატის საქმიანობას – თუ როგორ ხდება მოქალაქეთა განცხადებების მიღება, მათი განხილვა, რა კონკრეტული შედეგები დადგა განცხადებების განხილვის შემდეგ და როგორ შეუძლიათ მოქალაქეებს მიმართონ ინსპექტორს. შეხვედრაზე დასწრება თავისუფალია.

 

პერსონალურ მონაცემთა დაცვის ინსპექტორის აპარატი კონსულტაციას უწევს მოქალაქეებს, საჯარო დაწესებულებებს და კერძო სამართლის იურიდიულ პირებს პერსონალურ მონაცემთა დამუშავების კანონიერებასა და დაცვასთან დაკავშირებულ საკითხებზე.

 

პერსონალურ მონაცემთა დაცვის ინსპექტორის აპარატის უფროსი იურისტი და საჯარო და კერძო სექტორზე ზედამხედველობის სამმართველოს უფროსი 30 ივლისს, აჭარის მთავრობის ადმინისტრაციულ შანობაში, აჭარის უმაღლესი საბჭოს წარმომადგენლებს შეხვდნენ.

 

ნეტგაზეთის მასალების სხვა გამოცემებში გადაბეჭდვის წესი
" ბათუმელები"