Batumelebi | ავარია თურქეთში – ერთი გარდაცვლილი და ორი დაშავებული საქართველოს მოქალაქე ავარია თურქეთში – ერთი გარდაცვლილი და ორი დაშავებული საქართველოს მოქალაქე – Batumelebi
RU | GE  

ავარია თურქეთში – ერთი გარდაცვლილი და ორი დაშავებული საქართველოს მოქალაქე


აჭარის ჯანდაცვის მინისტრის მოადგილის ლევან გორგილაძის ინფორმაციით, დღეს თურქეთში მომხდარი ავტოსაგზაო შემთხვევის შედეგად საქართველოს ორი მოქალაქე დაშავდა და ერთი დაიღუპა. 

 

„როგორც საკონსულოს დახმარებით გავარკვიეთ, გარდაცვლილია ერთი ქალბატონი, ერთი ქალი და ერთი მამაკაცი კი არდაშენის საავადმყოფოში არიან მოთავსებული. ეს საავადმყოფო სარფიდან დაახლოებით 40 კილომეტრში მდებარეობს. შემთხვევა რიზეს მიმდებარე ტერიტორიაზე მოხდა“, – უთხრა ლევან გორგილაძემ „ბათუმელებს“.

 

ლევან გორგილაძეს სხვა ინფორმაცია ავტოსაგზაო შემთხვევასთან დაკავშირებით არ აქვს. არც ის არის ცნობილი, რა ტიპის ტრანსპორტი მოყვა ავტოკატასტროფაში ან საქართველოს რამდენი მოქალაქე იმყოფებოდა ტრანსპორტში.

 

ჯგუფი საქართველოდან შემთხვევის ადგილზე გასასვლელად ემზადება.

ნეტგაზეთის მასალების სხვა გამოცემებში გადაბეჭდვის წესი
ბათუმელები