საკრებულოს კომისიის დადგენილების პროექტის მიხედვით, მიკროავტობუსებით მგზავრობის საფასურის 10 თეთრით გაზრდა იგეგმება. ბათუმის საკრებულომ ამ საკითხზე ხვალინდელ სხდომაზე უნდა იმსჯელოს.
ფასის მომატებაზე დღეს, 17 იანვარს, საფინანსო-ეკონომიკურმა და ინსფრასტრუქტურის კომისიებმა გაფართოვებულ სხდომაზე იმსჯელეს. კომისიებმა სატრანსპორტო კომისიების მიმართვა განიხილეს, სადაც მოქმედი ტარიფის გაანგარიშება და მგზავრობის საფასურის 10 თეთრით გაზრდა იყო მოთხოვნილი. საკითხის შესწავლაში ჩართულები იყვნენ მერიის ტრანსპორტის განყოფილების სპეციალისტები და დაინტერესებული სატრანსპორტო კომპანიების წარმომადგენლები.
ბათუმის საკრებულოს დარგობრივმა კომისიებმა განხილვის შედეგად დაადგინეს, რომ სატრასნპორტო კომპანიების მოთხოვნა საფუძვლიანია. საკითხს ხვალინდელ სხდომაზე ზურაბ ნაკაიძე წარადგენს, საკრებულოს საფინანსო-ეკონომიკური კომისიის თვამჯდომარე.
მგზავრობის საფასური სატრანსპორტო კომპანიებმა ახალი წლის დღეებში გაზარდეს 10 თეთრით. მუნიციპალიტეტის წარმომადგენლებთან შეხვედრის შემდეგ ძალაში ისევ ძველი ტარიფი დარჩა იმ პირობით, რომ საკრებულო განიხილავდა ამ საკითხს.
