2017 წელს ბათუმში საპროცესო შეთანხმებებით გადახდილი თანხის რაოდენობამ 1 787 700 ლარი შეადგინა. ბათუმის საქალაქო სასამართლოს სტატისტიკის მიხედვით, განხილული 1246 საქმიდან საპროცესო შეთანხმებით გასულ წელს 817 საქმე დასრულდა.
საპროცესო შეთანხმების გაფორმების აუცილებელი პირობაა წარდგენილი ბრალის აღიარება. საპროცესო შეთანხმების შემდეგ მსჯავრდებულს პირობით მსჯავრს უფარდებენ, სასჯელის ვადას უმცირებენ და აჯარიმებენ.
2017 წელს გამამტყუნებელი განაჩენი გამოვიდა 1334 პირის მიმართ, პირობითი მსჯავრი შეეფარდა 494 მსჯავრდებულს. გასულ წელს სამედიცინო ხასიათის იძულებითი ღონისძიება არც ერთი პირის მიმართ არ გამოუყენებიათ.
რაც შეეხებება გამამართლებელ განაჩენებს: ბათუმის საქალაქო სასამართლოს სტატისტიკის მიხედვით, 2017 წელს სრულად გამართლდა 31 ადამიანი, ნაწილობრივ – 19.
