სტიქიით დაზარალებულ მოსახლეობასთან შესახვედრად ბათუმიდან 50 სტუდენტი გაემგზავრა


 

 

 აჭარის მთავრობის პრესსამსახურის ცნობით, თბილისში სტიქიის დროს დაზარალებულ მოსახლეობასთან შესახვედრად და პროდუქტებისა და საყოფაცხოვრებო ნივთების გადასაცემად, ჭარის სპორტისა და ახალგაზრდობის საქმეთა დეპარტამენტის მოველეობის შემსრულებელი დავით მიქელაძე და 50 სტუდენტი თბილისში 20 ივნისს 11 საათზე, გაემგზავრნენ.

 

 

ბათუმის სახელმწიფო უნივერსიტეტი | დავით მიქელაძე და სტუდენტები თბილისის სტიქიის დროს დაზარალებულ მოსახლეობისთვის შეგროვებულ ნივთებს სატვირთო ავტომობილში ალაგებენ

 

ბათუმის სახელმწიფო უნივერსიტეტი | სტუდენტები თბილიში გასამგზავრებისთვის ემზადებიან

 

აქცია აჭარის სპორტისა და ახალგაზრდობის საქმეთა დეპარტამენტის ინიციატივით დაიგეგმა და პირველადი მოხმარების ნივთების შესაგროვებლად ბათუმში ორი შტაბი შეიქმნა – ბათუმის საზღვაო აკადემიასა და ბათუმის შოთა რუსთაველის სახელმწიფო უნივერსიტეტში.

 

აქციაში ჩაერთვნენ აჭარის რეგიონში არსებული უმაღლესი სასწავლებლებლები და მათ შორის სასწავლებლების ადმინისტრაციული პერსონალი. ბათუმის შოთა რუსთაველის სახელმწიფო უნივერსიტეტის ადამინისტრაციის გადაწყვეტილებით, ადმინისტრაციული პერსონალი მიღებეული ხელფასის 1%-ს, საერთო ჯამში დაახლოებით 7000 ლარს სოლიდარობის ფონდში ჩარიცხავს, შემდგომში კი დამატებით – 5000 ლარს. ხოლო ბათუმის სახელმწიფო საზღვაო აკადემიის ადმინისტრაციის თანამშრომლები სოლიდარობოს ფონდში თავიანთი ხელფასიდან 5%-ს, საერთო ჯამში კი დაახლოებით 10 000 ლარს გადარიცხავენ.

 

 

ნეტგაზეთის მასალების სხვა გამოცემებში გადაბეჭდვის წესი
''ბათუმელები''