„რაც უფრო კარგს მოვწევთ, მით უფრო კარგები ვიქნებით“, – ამბობს მარიხუანას დეკრიმინალიზაციის მოთხოვნით გამართული აქციის მონაწილე ელიონორ კუზანოვი. ის აქციის მონაწილე ოთხ გოგონათაგან ერთ-ერთია.
„სირცხვილია, როცა მარიხუანას მოწევისთვის ადამიანებს უზარმაზარ ჯარიმებს ახდევინებენ“, – ამბობს ელიონორის კიდევ ერთი მეგობარი.
აქციის კიდევ ერთი მონაწილე, მიშა არველაძე იზიარებს ელიონორის აზრს შიშთან დაკავშირებით:
„ამ აქციაზე ბევრი ვერ მოვიდა, მიუხედავად იმისა, რომ ბევრი არის ამის გამო კანონით დასჯილი. მე აქ იმიტომ მოვედი, რომ მინდა ვცხოვრობდეთ ისეთ ქვეყანაში, თვითონ რომ აირჩიოს ადამიანმა ღვინის სახლი უნდა თუ წითელი ქუდი. თუ ბატონმა ზურაბ ჟვანიამ თქვა, რომ მე ვარ ქართველი და მაშასადამე ვარ ევროპელი და თუ ჩვენი აქცენტი მაგისკენ მიდის, რომ ევროპელები უნდა გავხდეთ, მაშინ მოვიქცეთ ისე, როგორც იქ იქცევიან, ერთ ასპექტში მაინც. მე ბევრ ქვეყანაში ვყოფილვარ და რაც ვნახე, მივხვდი, რომ ადამიანს უნდა ჰქონდეს არჩევანი. მე თუ უნდა მოვწიო და ამით არავის არ დავაზარალებ, ამის გამო რატომ უნდა დავისაჯო. რა ვქნათ ახლა, ვამტკიცოთ სიგარეტი ჯობია, ალკოჰოლი თუ მარიხუანა? ალკოჰოლი უფრო მავნე რომაა, ვიდრე მარიხუანა, მე მგონი ამას დიდი განათლება არ სჭირდება. არც ერთ ქვეყანაში არ არის ისეთი კანონი, რომ მარიხუანას მოწევისთვის 20-23 წლით დაგაპატიმრონ. ეს სირცხვილია.“
მიშა არველაძის თქმით, მას რომ შეეძლოს „მარიხუანით რეაბილიტაციის კურსებს შემოიღებდა“, რადგან „მასმედიით დაზიანებული და გაბოროტებული სიტუაციის შესაცვლელად ჩვენმა საზოგადოებამ მარიხუანა წამალივით უნდა მოიხმაროს“.
