ბათუმში, გენერალ ასლან აბაშიძისა და ტბელ აბუსერიძის ქუჩების კვეთაში, ქვეითად მიმავალ ქალს ავტომანქანა დაეჯახა.
სასწრაფო სამედიცინო დახმარების სამსახურის ინფორმაციით, ავარიის შედეგად დაშავებული ახალგაზრდა ქალი [თავის არეში ჭრილობით], რეფერალურ საავადმყოფოში გადაიყვანეს. ის ამ დრომდე სტაციონარში რჩება.
„ფაქტზე მიმდინარეობს გამოძიება სისხლის სამართლის კოდექსის 276-ე მუხლის პირველი ნაწილით რაც ტრანსპორტის მოძრაობის უსაფრთხოების ან ექსპლუატაციის წესების დარღვევას გულისხმობს რამაც გამოიწვია ჯანმრთელობის ნაკლებად მძიმე დაზიანება“ – განაცხადეს შსს-ს პრესსამსახურში.
