მებაღე-დეკორატორის, იასონ გორდეზიანის ბრინჯაოს ქანდაკება ბათუმის ბულვარში მოქანდაკე ირაკლი წულაძის ესკიზის მიხედვით უნდა დაიდგას. ესკიზი და ხარჯთაღრიცხვა „ბათუმის ბულვარმა“ კონკურსის გზით 7 მონაწილეს შორის შეარჩია და 4200 ლარად შეისყიდა. ქანდაკების დამზადება-განთავსებაზე ცალკე ტენდერი გამოცხადდა, სადაც მხოლოდ შპს „დეკორაციების და ქანდაკებების სახლი“ მონაწილეობდა, რომელიც ქანდაკების განთავსებას ბულვარს 103 741 ლარად სთავაზობს.
„დეკორაციების და ქანდაკებების სახლთან“ ხელშეკრულების მომზადების ეტაპზე კი ესკიზის ავტორმა, ირაკლი წულაძემ ბულვარს შესყიდვების სააგენტოს დავების საბჭოში უჩივლა. წულაძის განცხადებით, ტენდერში მონაწილე კომპანიის მიერ ატვირთული ტექნიკური დოკუმენტაცია არ შეესაბამება ტენდერის მოთხოვნებს [მისივე მტკიცებით ქანდაკება უნდა ჩამოისხას ბრინჯაოში. ბრინჯაოში ჩამოსხმული რომელიმე ნიმუში კი ტენდერში მონაწილე კომპანიას არ წარმოუდგენია].
„ცნობილი და ღვაწლმოსილი მებაღე-დეკორატორი იასონ გორდეზიანი იმსახურების მისი დამსახურებიდან და ცხოვრების ისტორიიდან გამომდინარე მისი მემორიალური საპარკე ბრინჯაოს ქანდაკება შესრულდეს დიდი პასუხისმგებლობით, პროფესიონალიზმით და გამოცდილების მქონე მოქანდაკის მიერ,“ – აღნიშნულია წულაძის განცხადებაში.
შესყიდვების გვერდზე ატვირთულ წერილებში „დეკორაციების და ქანდაკებების სახლი“ ამტკიცებს, რომ მათ მიერ ატვირთული დოკუმენტაცია შესაბამისობაშია ტენდერის მოთხოვნებთან და ქანდაკების ბრინჯაოში ჩამოსხმის გამოცდილებაც აქვთ.
დავების საბჭომ გუშინ, 14 დეკემბერს, ნაწილობრივ დააკმაყოფილა ირაკლი წულაძის საჩივარი და ბულვარის სატენდერო კომისია დაავალდებულა გადასინჯოს მის მიერ ადრე მიღებული გადაწყვეტილება, ხელახლა მოახდინოს „დეკორაციების და ქანდაკებების სახლის“ ტექნიკური დოკუმენტაციის შერჩევა-შეფასება და ამის შემდეგ მიღებული თავისი გადაწყვეტილება აუცილებლად დაასაბუთოს.
ირაკლი წულაძე დავების საბჭოში კიდევ ერთ გარემოებას უსვამდა ხაზს:
ირაკლი წულაძის ამ პოზიციაზე, და არც „დეკორაციების და ქანდაკებების სახლის“ მიერ დამატებით წარდგენილ დოკუმენტებზე, დავების საბჭოს არ უმსჯელია.
ესკიზი
ამავე თემაზე:
