ზ. ს. იმ 190 ადამიანს შორის მოხვდა, რომლებსაც ოფიციალურად უწოდეს „პოლიტპატიმარი და პოლიტიკური ნიშნით დევნილი“. „ქართულმა ოცნებამ“ სწორედ ეს 190 პატიმარი გაათავისუფლა ხელისუფლებაში მოსვლიდან მალევე, პირველ ჯერზე.
ზ. ს. 25 წლის დათო დავითაძის მკვლელობაშია ბრალდებული. მკვლელობა, გუშინ, 3 მაისს მოხდა შუახევში. ოჯახის ახლობლების განცხადებით, დაჭრილი იმის გამო გარდაიცვალა, რომ საავადმყოფოში არ იყო ქირურგი, რომელიც პაციენტს სათანადო დახმარებას აღმოუჩენდა.
შს სამინისტროს ინფორმაციით, გამოძიება სისხლის სამართლის 108-ე მუხლით მიმდინარეობს.
