აჭარაში არასტანდარტული მანდარინის მიღება დაიწყო.
აჭარის სოფლის მეურნეობის სამინისტროს ცნობით, შპს Georgian industrial Asset Management Group-ი, შეუზღუდავი რაოდენობით მიიღებს არასტანდარტულ მანდარინს. წარმოებული იქნება ციტრუსის კონცენტრატი, რისგანაც დამზადდება წვენი, რომელიც ექსპორტირებული იქნება აზიისა და ევროპის ქვეყნებში.
სამინისტრო იუწყება, რომ ხვალიდან, 30 ნოემბრიდან არასტანდარტული მანდარინის მიღებას ასევე დაიწყებს შპს TCF GEORGIA, რომელიც წელს გეგმავს 4 000 ათას ტონმდე არასტანდარტული მანდარინის მიღებას, რომლისგანაც დაამზადებს კონცენტრირებულ წვენს. რომელიც, მოხმარდება როგორც ადგილობრივ ბაზრებს, ასევე ექსპორტირებული იქნება რუსეთის, უკრაინის და ყაზახეთის ქვეყნებში.
კომპანიები, რომლებიც 1 კგ სამრეწველო გადამუშავებისთვის განკუთვნილ მანდარინს არანაკლებ 0.20 ლარად შეისყიდიან, აჭარის სოფლის მეურნეობის სამინისტრო 1 კგ მანდარინზე 0.10 ლარის ოდენობის სახელმწიფო სუბსიდიას გადაუხდის, შესაბამისად სამრეწველო გადამუშავებისთვის განკუთვნილი მანდარინის ფასი 0.20 ლარი იქნება.
მანდარინი
