„თავისუფალ ჟურნალისტთა სახლი“ პროექტ ფარგლებში – „ანტიდასავლური დეზინფორმაციის წინააღმდეგ აჭარაში“, აცხადებს ესეების კონკურსს “რატომ ევროპა”.
კონკურსის მიზანია ახალგაზრდებში ევროპული ღირებულებების პოპულარიზაცია და სტუდენტთა/მოსწავლეთა ცნობიერების ამაღლება.
➧ წარმოდგენილი ესე უნდა ამხელდეს იმ დეზინფორმაციულ მითებს, რომელიც აჭარაშია გავრცელებული ევროპის შესახებ
➧ პასუხობდეს თემას – “რატომ ევროპა”
➧ დასაბუთებულად აბათილებდეს ანტიდასავლური მედიის მიერ გავრცელებულ მოსაზრებებს
ნამუშევრების ელექტრონული ვერსიების მიღების ვადა 2017 წლის 15 ოქტომბერიდან გაგრძელდა 2017 წლის 5 დეკემბრამდე.
ზღვა ინფორმაციულ ნაკადში თანდათან უფრო რთული ხდება გადამოწმებული ინფორმაციის მიღება. საქართველოში ძლიერდება ანტიდასავლური, პრორუსული განწყობები. იქმნება მითები, მცდარი წარმოდგენები ევროპისა და საქართველოს ევროატლანტიკური მისწრაფებების შესახებ. დეზინფორმაციის გამავრცელებელი ქართულენოვანი მედია იყენებს ჰომოფობიურ, დისკრიმინაციულ, სიძულვილის შემცველ განსაზღვრებებს, რომლითაც აღწერს ევროპას და ევროპულ ფასეულობებს. მედიაში გავრცელებული მითები გადმოდის ყოველდღიურ ცხოვრებაში და ხშირად ვისმენთ მას ქუჩაში, საზოგადოებრივ ტრანსპორტში თუ სხვა ადგილებში.
საუკეთესო ნამუშევრების ავტორები დაჯილდოვდებიან. დაჯილდოების ცერემონია 2017 წლის დეკემბრის ბოლოს გაიმართება.
საკონკურსო ნამუშევრები გამოაგზავნეთ მისამართზე: batumipress@gmail.com
პროექტს – „ანტიდასავლური დეზინფორმაციის წინააღმდეგ აჭარაში” – ახორციელებს „თავისუფალ ჟურნალისტთა სახლი”, აღმოსავლეთ-დასავლეთის მართვის ინსტიტუტის (EWMI) ACCESS-ის პროექტის მხარდაჭერით და აშშ საერთაშორისო განვითარების სააგენტოს (USAID) ფინანსური დახმარებით.
