Batumelebi | ბათუმის მერობის კანდიდატი: „მრცხვენია რომ ჩემმა ყოფილმა თანამებრძოლეებმა, ანტიდისკრიმინაციულ კანონს მხარი დაუჭირეს“ ბათუმის მერობის კანდიდატი: „მრცხვენია რომ ჩემმა ყოფილმა თანამებრძოლეებმა, ანტიდისკრიმინაციულ კანონს მხარი დაუჭირეს“ – Batumelebi
RU | GE  

ბათუმის მერობის კანდიდატი: „მრცხვენია რომ ჩემმა ყოფილმა თანამებრძოლეებმა, ანტიდისკრიმინაციულ კანონს მხარი დაუჭირეს“

 

ჯუმბერ  თავართქილაძე, თავისუფალ ჟურნალისტთა სახლის გადაცემა „შეუზღუდავ სივრცეს“ სტუმრობდა. მისი მერად არჩევის შემთხვევაში ის, „საქართველოს  საყოველთაო სახელმწიფო დაზღვევას“ ჰპირდება.  

ჯუმბერ თავართქილაძე: „ ამჟამად ბათუმში გვყავს 19 560 პენსიონერი, მე ვაპირებ პენსიებს დავამატო ადგილობრივი  ბიუჯეტიდან 30 ლარი, ეს არის 6 მილიონი და მე მიმაჩნია, რომ ეს არ არის რაღაც კატასტროფული თანხა.“

„მე მაინტერესებს რისთვის ვიზიდავთ ტურისტს, თუ ადგილზე არ გვეყოლება ჯანსაღი საზოგადოება, რისთვის ვაკეთებთ ამ ყველაფერს, ჩვენი ხალხი ვერ ყიდულობს წამალს, ჩვენი ხალხისთვის მიუწვდომელია საავადმყოფო და შობადობა შემცირდა, გამოდის რომ ჩვენ არ ვზრუნავთ ხალხზე და ვზრუნავთ მხოლოდ ერთეულებზე.  ჯერ კიდევ კომუნისტების პერიოდიდან, თუ საქართველოს მასშტაბით უმაღლეს სასწავლებლებში ჩააბარებდა 100 სტუდენტი, აქედან 70 იყო აჭარიდან, ანუ 70%. ეს არის მისასალმებელი, ეს არის ძალიან სასიამოვნო ფაქტი, მაგრამ დღეს აჭარაში სოციალური ფონია ისეთი შექმნილი, რომ მე ძალიან ბევრ ახლობელს ვიცნობ, არა ახლობელ ოჯახებსაც ვიცნობ, სადაც არა აქვთ იმის საშუალება, რომ სწავლა-განათლება გააგრძელონ ბავშვებმა. მე ვაპირებ 50%-იანი თანადაფინანსებით,  ბათუმში ყველა სტუდენტი დავაფინანსო ჩემი 4 წლის მერობის განმავლობაში.“

„მე ქართველი ვარ, ჯუმბერი ვარ თავართქილაძე და ანტიდისკრიმინაციულ კანონს არ დავუჭერდი მხარს, მრცხვენია რომ ჩემმა ყოფილმა თანამებრძოლებმა, რომლებიც ხალხის დასანახად, თითქოს 24 საათი პირჯვარს გადაიწერენ და ეკლესიაში დადიან ამ კანონს მხარი დაუჭირეს.“

ნეტგაზეთის მასალების სხვა გამოცემებში გადაბეჭდვის წესი
თათია ბოლქვაძე, მოხალისე