"ბათუმელების“ არქივიდან

ახალი ეკლესია ძველის ანალოგიური იქნება

11.02.2004 • 1673
ახალი ეკლესია ძველის ანალოგიური იქნება

ქობულეთის რაიონის სოფელ ზედა სამებაში ახალი სამების ტაძარი აიგება. შუა საუკუნეებში, სოფელში ამავე სახელწოდებით ფუნქციონირებდა ტაძარი, რომელსაც მე-16 საუკუნეში, ოსმალთა შემოსევების შემდეგ, მოქმედება შეუწყვეტია. დღეისათვის ეკლესიის საძირკველიღაა შემორჩენილი.

ეკლესია აშენდება ძველი ტაძრიდან მოშორებით, კერძოდ, სოფელ სამების სკოლის ეზოში. გეგმით იგი თავდაპირველი სახის, ჯვარგუმბათოვანი იქნება. პროექტი შემუშავებულია ეპარქიასთან არსებული ხუროთმოძღვრული ცენტრის არქიტექტორთა მიერ. ძველი ტაძრიდან შემორჩენილია ზარი, რომელიც ერთ-ერთი მოსახლის მიერ სახლის საძირკვლის გათხრისას იქნა ნაპოვნი.

მშენებლობა, სავარაუდოდ გაზაფხულისათვის დაიწყება, რომელსაც კურირებას გაუწევს ბათუმ-სხალთის ეპარქია.

გადაბეჭდვის წესი


ასევე: