ამის შესახებ საქართველოს პრეზიდენტმა მიხეილ სააკაშვილმა განაცხადა ოთხშაბათს სტრასბურგში ევროპის საბჭოს საპარლამენტო ასამბლეის სესიაზე გამოსვლისას.
პრეზიდენტის თქმით, საბჭოთა კავშირის არსებობის დროს ამომრჩეველთა რაოდენობა საქართველოში ბევრად მეტი იყო, ამჟამად კი მხოლოდ მიახლოებითი ციფრი არსებობს.
სააკაშვილის განცხადებით, საქართველოდან ძალიან ბევრი ადამიანია გასული, ამიტომ 4 იანვრის საპრეზიდენტო არჩევნების წინ, ხელისუფლებამ საშუალება მისცა მოსახლეობას გაევლოთ წინასწარი რეგისტრაცია.
მისი თქმით, გასული წლის 2 ნოემბრის საპარლამენტო არჩევნები ჩატარდა დიდი დარღვევით, რადგან ხალხს წაერთვა უფლება მიეცა ხმა არჩევნებზე.
4 იანვრის საპრეზიდენტო არჩევნებზე ამომრჩეველთა საერთო რაოდენობამ 2 231 986 შეადგინა, არჩევნებში მონაწილეობა 1 963 556-მა ადამიანმა მიიღო.
ხელახალი საპარლამენტო არჩევნები საქართველოში 28 მარტს უნდა შედგეს.
