სტომატოლოგიური კლინიკა “ინდიგო” ასრულლებს საბუთების მიღებას “თერაპიული
სტომატოლოგიის” სარეზიდენტო პროგრამაზე, რომელიც განკუთვნილია დიპლომირებული სტომატოლოგებისა და სტომატოლოგიური ფაკულტეტის სტუდენტებისთვის.
სახელმწიფო სარეზიდენტო პროგრამა “თერაპიული სტომატოლოგია” გაწერილია 11 თვეზე და შედგება პროფესიული მზადებისაგან მოზრდილთა და ბავშვთა თერაპიულ სტომატოლოგიაში.
პროგრამის მიზანი სამედიცინო განათლების მქონე დიპლომირებული სტომატოლოგის
კონკურენტუნარიან სპეციალისტად ჩამოყალიბება და მომავალი დამოკიდებელი საექიმო და სამედიცინო საქმიანობისთვის სათანადო გამოცდილების შეძენაა.
სარეზიდენტო პროგრამის კურსის გავლის შემდეგ თერაპევტი შეძლებს პირის ღრუს ქსოვილებისა და ორგანოების, ყბა-კბილთა სისტემის დაავადებების დროულ ამოცნობას, მკურნალობას, პროფილაქტიკასა და მკურნალობაზე ორიენტირებული ჯანმრთელობის დაცვის სისტემის
სრულყოფას.
“ინდიგოს” “თერაპიული სტომატოლოგიის” სარეზიდენტო პროგრამის უპირატესობას წარმოადგენს სწავლისთვის გამოყოფილი 11 თვის თანაბრად განაწილება თეორიულ და პრაქტიკულ მეცადინეობებს შორის.
კურსის მიმდინარეობისას მსმენელები თეორიული ცოდნის მიღების გარდა,
შეძლებენ პაციენტთა მიღებას და პრაქტიკული უნარ-ჩვევების გამომუშავებას თანამედროვე სტომტოლოგიური აპარატურითა და სამუშაო მასალებით აღჭურვილ “ინდიგოს” კლინიკაში.
სტომატოლოგიურ კლინიკა “ინდიგოს” სტომატოლოგებისთვის დიპლომის შემდგომი განათლების მიცემის რამდენიმეწლიანი გამოცდილება აქვს. “ინდიგომ” წლების განმავლობაში სახელმწიფო სარეზიდენტო პროგრამა “თერაპიული სტომატოლოგიის” ფარგლებში ათეულობით პროფესიონალი მოამზადა, რომლებიც წარმატებით აგრძელებენ საქმიანობას საქართველოს სხვადასხვა სტომატოლოგიურ კლინიკებში.
აღნიშნულ პროგრამაში მონაწილეობის ყოველთვიური ღირებულება
600 ლარია.
“ინდიგოს” რეზიდენტურაში მომზადებულ სტომატოლოგს სერტიფიცირების შემდეგ უფლება აქვს, იმუშაოს თერაპევტ-სტომატოლოგად ყველა სამკურნალო-პროფილაქტიკურ დაწესებულებაში.
საბუთების მიღების ბოლო ვადა 2016 წლის 14 იანვრამდე, სწავლა კი 2016 წლის 15 იანვარს დაიწყება.
რეზიდენტურის ფარგლებში პრაქტიკული და თეორიული მეცადინეობები გაიმართება ყოველ დღე, შაბათ-კვირის გარდა, სტომატოლოგიური კლინიკა “ინდიგოს” ბათუმის ფილიალში.
დამატებითი ინფორმაციისთვის დაგვიკავშირდით ნომრებზე:
(+995 04 22) 22 30 03; (+995 04 22) 27 11 81; (+995) 514 131131
მისამართი: ზ. გორგილაძის 29, ბათუმი.
