Batumelebi | შუახევის ბიბლიოთეკას ახალი წიგნები გადაეცა შუახევის ბიბლიოთეკას ახალი წიგნები გადაეცა – Batumelebi
RU | GE  

შუახევის ბიბლიოთეკას ახალი წიგნები გადაეცა

 

ეროვნული ბიბლიოთეკის პროექტის ფარგლებში  შუახევის ცენტრალურ ბიბლიოთეკას სამასზე მეტი წიგნი გადაეცა.    წიგნები შუახევში ეროვნული ბიბლიოთეკის გენერალურმა დირექტორმა გიორგი კეკელიძემ ჩაიტანა.  

 

მისი თქმით, გამომდინარე იქიდან რომ რაიონული ბიბლიოთეკების ბიუჯეტი  ძალიან დაბალია  ხშირ  შემთხვევაში ისინი წიგნების შეძენას ვერ ახერხებენ.

 

„აქედან გამომდინარე  ნებისმიერი წიგნი თუნდაც ეს რამდენიმე ათეული  იყოს, მით უფრო თუ იქნება ახალი გამოცემები,  რაიონებში  საბიბლიოთეკო პროცესს წაადგება.  თუმცა ეს არ არის ბუნებრივია ამ ბიბლიოთეკების ერთადერთი საშველი. უფრო მეტი აქტიურობები და ვთქვათ საკუთარი განვითარების კონცეფციები ამ ბიბლიოთეკებმა თვითონ უნდა წარმოადგინოს. ჩვენ ყოველთვის  დავეხმარებით წიგნებით და სხვა შესაბამისი საშუალებებით, მაგრამ  თუ  ისინი ვერ შეძლებენ იყვნენ მიმზიდველები იქაური მკითხველებისთვის სხვადასხვა აქტივობებით, ბუნებრივია მათი არსებობის საკითხი დადგება კითხვის ნიშნის ქვეშ,“ – განუცხადა „ბათუმელებს“ გიორგი კეკელიძემ.

 

რაიონულ ბიბლიოთეკებს ლიტერატურა პროექტ „ელექტრონული განვითარების სინდიკატის“ ფარგლებში გადაეცემათ.   

 

ნეტგაზეთის მასალების სხვა გამოცემებში გადაბეჭდვის წესი
მანანა ქველიშვილი