პოლიტიკა და კულტურა – დისკუსია ბათუმში

15 სექტემბერს, 12.00 სთ-ზე, „ბათუმის დემოკრატიული ჩართულობის ცენტრში“დისკუსია გაიმართება თემაზე – „პოლიტიკა და კულტურა სახელმწიფოს და საზოგადოების ურთიერთობის ჭრილში“.

„დემოკრატიული ჩართულობის ცენტრის“ ინფორმაციით, შეხვედრას ქართველი ხელოვნებათმცოდნე, ჟურნალისტი და კრიტიკოსი, გიორგი გვახარია წაიყვანს. „სპიკერი ისაუბრებს და უპასუხებს დამსწრეთა შეკითხვებს კულტურის პოლიტიკასთან დაკავშირებულ იმ აქტუალურ საკითხებზე, რომლებიც განსაკუთრებული ინტერესის საგანია ადგილობრივი მოსახლეობისთვის.

მათ შორის, როგორი არის და უნდა იყოს კულტურის პოლიტიკა, რა როლი ეკისრება სახელმწიფოსა და საზოგადოებას ქვეყანაში კულტურული პროცესების უკეთ წარმართვისთვის, რა აქცენტები იკვეთება ამ მხრივ, ვინ ცდილობს კულტურის განვითარებას და ვისგან მოდის ინიციატივა.“

დისკუსიაზე დასწრება თავისუფალია.