შემოსავლების სამსახურის ინფორმაციით, მოძრავი სერვისცენტრები გადამხდელებს ხულოში, შუახევსა და ქედაში მოემსახურება შესაბამისად, დღეს, პირველ სექტემბერს, 4 სექტემბერსა და 5 სექტემბერს.
მომსახურების გაწევის ადგილი და დრო:
[checklist]
- ხულო, 01.09.2017, გამგეობის შენობის წინ; 10:00-17:00 სთ;
- შუახევი, 04.09.2017, გამგეობის შენობის მიმდებარე ტერიტორია; 10:00-17:00 სთ;
- ქედა, 05.09.2017 დაბა ქედა, ცენტრში; 10:00-17:00 სთ.
[/checklist]
„01 – 25 სექტემბერს, ფინანსთა სამინისტროს შემოსავლების სამსახურის მოძრავი სერვისცენტრი – RS CAR – გადასახადის გადამხდელებს 32 ლოკაციაზე, იმ რეგიონებში მოემსახურება, სადაც შემოსავლების სამსახურის სერვისცენტრები არ არის განთავსებული. RS CAR (მიკროავტობუსი) აღჭურვილია შემოსავლების სამსახურის სერვისცენტრებში არსებული ტექნიკური საშუალებებით. შესაბამისად, გადასახადების გადამხდელებს შესაძლებლობა აქვთ, მათთვის ხელსაყრელ დროსა და სივრცეში , დასახლებული პუნქტიდან გაუსვლელად, დროულად მიიღონ სასურველი მომსახურება“ – აღნიშნულია შემოსავლების სამსახურის მიერ გავრცელებულ ინფორმაციაში.
