ბათუმში, სასტუმრო „შერატონში“ საქართველოს ნეონატოლოგთა ასოციაციის ორგანიზებით, საერთაშორისო სამეცნიერო–პრაქტიკული კონფერენცია – „აქტუალური საკითხები ნეონატოლოგიასა და პედიატრიაში“ მიმდინარეობს. კონფერენციაზე დასწრება შეუძლიათ ნეონატოლოგებს, პედიატრებს, მეან-გინეკოლოგებსა და ოჯახის ექიმებს.
ასოციაციის ინფორმაციით კონფერენციის მუშობაში ქართველი სპიკერების გარდა, მონაწილეობას მიიღებს ისრაელის შებას სამედიცინო ცენტრის ნეონატალური კრიტიკული დეპარტამენტის ხელმძღვანელი, პროფესორი რამ მასკერეტი, რომელიც აუდიტორიას მიაწვდის უახლეს ინფორმაციას არაინვაზიური რესპირაციული მხარდაჭერის, ნეონატალური სეფსისის მართვის, დროული და დღენაკლი ახალშობილების კვების თავისებურებების და სხვა მნიშვნელოვან სიახლეებზე.
კონფერენციას საქართელოს ჯანდაცვის მინისტრის მოადგილე ნინო ბერძული და აჭარის ჯანდაცვის სამინისტრის პირველი მოადგილე ლელა სურმანიძე ესწრებიან.
კონფერენცია, ხვალ 25 ივლისს დასრულდება.
