ბათუმის ნავსადგურში თურქული სამხედრო გემები შემოვიდნენ

ბათუმის ნავსადგურში მარმარილოსა და შავ ზღვაში დაგეგმილი წვრთნების „ზღვის ვარსკვლავი 2017″-ის ფარგლებში, სარაკეტო კატარღა TCG Kalkan (P-331) და ფრეგატი TCG Yıldırım (F-243) შემოვიდნენ.

აჭარის მთავრობის ინფორმაციით, ხვალ, 4 აპრილს, მსურველებს  გემების დათვალიერების შესაძლებლობა ექნებათ, 5 აპრილს კი საქართველოს სანაპირო დაცვის ერთეულებთან დაგეგმილია ერთობლივი წვრთნების ჩატარება.

აჭარის მთავრობის ინფორმაციით, ზურაბ პატარაძემ თურქული სამხედრო გემების – TCG Kalkan-ისა და TCG Yıldırım-ის ეკიპაჟის წევრებს უმასპინძლა. შეხვედრას ქალაქ ბათუმის მერი გიორგი ერმაკოვი და თურქეთის გენერალური კონსული ბათუმში იასინ თემიზქანი ესწრებოდნენ.