სტაბილურად მძიმეა კაცის ჯანმრთელობის მდგომარეობა, რომელმაც ბათუმში თავის დაწვა სცადა.
დღეს, 2 თებერვალს, „ბათუმელებს“ თბილისის დამწვრობის ცენტრში უთხრეს, რომ ბადრი აბაშიძე კვლავ რეანიმაციულ განყოფილება იმყოფება.
„რეანიმაციის განყოფილებაში წევს. სავარაუდოდ, ბენზინის აალების შედეგად მიიღო დაზიანებები, ამ წუთისთვის მისი მდგომარეობა არის სტაბილური“- გვითხრა დამწვრობის ცენტრის ხელმძღვანელმა, გუგა ქაშიბაძემ.
შემთხვევა 31 იანვარს მოხდა ბათუმში. ბადრი აბაშიძემ თავის დაწვა სცადა, რა დროსაც მას ფეისბუქის პირდაპირი ჩართვა ჰქონდა.
შს სამინისტროს ინფორმაციით, გამოძიება 115-ე მუხლით მიმდინარეობს – თვითმკვლელობამდე მიყვანა.
