“სეტყვამ მანდარინი ძირითადად ბათუმის შემოერთებულ ტერიტორიებზე დააზიანა, აქ უფრო მაღალი ინტენსივობოთ იყო სეტყვა”- ამბობს აჭარის სოფლის მეურნეობის მინისტრი, ლაშა კომახიძე. მინისტრის ინფორმაციით, სეტყვამ დააზიანა ციტრუსის ბაღები ქობულეთსა და ხელვაჩაურშიც. ამჟამად მდგომარეობას სამინისტროს საკონსულტაციო ჯგუფები სწავლობენ.
სოფლის მეურნეობის სამინისტრო იმ მეციტრუსეებს მიმართავს, ვისაც ციტრუსი დაზღვეული აქვს. ფერმერებმა ზარალის დადგომიდან 24 საათის განმავლობაში უნდა მიმართონ კომპანიას, სადაც მათი მოსავალია დაზღვეული: “იმ შემთხვევაში, თუკი ტელეფონი დაკავებულია, მეციტრუსეებს შეუძლიათ დარეკონ საქართველოს სოფლის მეურნეობის სამინისტროს ცხელ ხაზზე: 15 01, ასევე აჭარის სოფლის მეურნეობის სამინისტროში ტელეფონის ნომერზე: 577 30 29 93. მივმართავ ფერმერებს, ვისაც არ აქვთ ჯერ კიდევ დაზღვევა, მათ შეუძლიათ 10 ნოემბრამდე დააზღვიონ ცუტრუსი”.
სოფლის მეურნეობის მოსავალზე დაზღვევის 70 %-ს სახელმწიფო ფარავს, დანარჩენს – თავად ფერმერი. სადაზღვეო კომპანია დაზარალებულ მეციტრუსეს კილოგრამ მანდარინში 50 თეთრს გადაუხდის.
