რიკოთის უღელტეხილზე ავტობანის მშენებლობა დასრულდა.
„ქართული ოცნების“ მთავრობამ დასრულებული გზის პრეზენტაცია, დღეს, 29 დეკემბერს მოაწყო.
როგორც პრეზენტაციაზე ითქვა, რიკოთის ახალ, 52-კილომეტრიან, ოთხზოლიან ჩქაროსნულ გზაზე მოძრაობა ხვალ, 30 დეკემბერს, დღის მეორე ნახევარში გაიხსნება.
რიკოთის მაგისტრალური გზა 52 კილომეტრის სიგრძისაა და მოიცავს 51 გვირაბსა და 97 ხიდს.
მათ შორის, ყველაზე გრძელი გვირაბის სიგრძე 1 კილომეტრი და 800 მეტრია, ხოლო ყველაზე გრძელი ხიდის – 1 კილომეტრი და 362 მეტრი.
“ახალი მაგისტრალი სრულად არის აღჭურვილი თანამედროვე განათების სისტემით და შეესაბამება საგზაო უსაფრთხოების საერთაშორისო სტანდარტებს,“ – ნათქვამია „ქართული ოცნების“ პრემიერის პრესსამსახურის მიერ გავრცელებულ რელიზში.
