დღეს, 18 ივნისს, უკრაინაში, კიევში, მაშველებმა რაკეტის მიერ დანგრეული 9-სართულიანი შენობის ნანგრევებიდან კიდევ 12 დაღუპულის ცხედარი გამოიტანეს.
შედეგად, კიევში რუსეთის თავდასხმის შედეგად დაღუპულთა რიცხვი 28-მდე გაიზარდა, ოფიციალური ინფორმაციით, დაშავდა მინიმუმ 134 ადამიანი.
გუშინ, 17 ივნისს, გამთენიისას, რუსეთის შეიარაღებულმა ძალებმა უკრაინას დრონებითა და რაკეტებით შეუტია. ოფიციალური კიევის ცნობით, რუსულმა რაკეტამ უკრაინის დედაქალაქში 9-სართულიან საცხოვრებელ შენობას დაარტყა, რის შედეგადაც სახლში შესასვლელი განადგურდა, დაიღუპნენ ადამიანები.
ასევე, 17 ივნისის ღამეს რუსეთმა განახორციელა თავდასხმა ოდესის, ზაპოროჟიეს, ჩერნიგოვის, ჟიტომირის, კიროვოგრადის და ნიკოლაევის რეგიონებზე.
__________________
![ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]](https://batumelebi.netgazeti.ge/wp-content/uploads/2026/06/11.png "ბათუმში მეზღვაურთა საერთაშორისო დღე აღინიშნება, რისთვისაც ნახევარი მილიონი ლარი დაიხარჯება [ფოტო]")
