უკრაინაზე რუსეთის მასიური სარაკეტო თავდასხმის შემდეგ, საფრანგეთის პრეზიდენტმა ემანუელ მაკრონმა საერთაშორისო საზოგადოებას მოუწოდა, არ დაივიწყონ ვინ არის ნამდვილი დამნაშავე ომში. მან ხაზგასმით აღნიშნა, რომ “ამერიკის შეერთებული შტატების რისხვა მხოლოდ პუტინისკენ უნდა იყოს მიმართული”.
მაკრონმა დასძინა, რომ “საფრანგეთის პოზიცია მუდმივია და არ შეიცვლება. ჩვენ მხარს ვუჭერთ სუვერენიტეტსა და ტერიტორიულ მთლიანობას საერთაშორისო სამართლის პატივისცემით”.
“ჩვენ მხარს ვუჭერთ სუვერენიტეტსა და ტერიტორიულ მთლიანობას, პატივს ვცემთ საერთაშორისო სამართალს. ჩვენ გავაგრძელებთ უკრაინელი ხალხის უფლების დაცვას, იცხოვროს მშვიდობიანად მათ ტერიტორიაზე და მათ საერთაშორისოდ აღიარებულ საზღვრებში”, – აღნიშნა მან.
საფრანგეთის პრეზიდენტმა ასევე მოუწოდა პუტინს „შეწყვიტოს ტყუილი“.
“ის ამბობს “მე მინდა მშვიდობა”, მაგრამ აგრძელებს უკრაინაში ხალხის დაბომბვასა და მკვლელობას. თუ ის განაცხადებს თანხმობას, ხვალ ჩვენ უკვე გვექნება ცეცხლის შეწყვეტა”, – დასძინა მან.
24 აპრილის ღამეს უკრაინა რუსების მასიური თავდასხმის ქვეშ იყო. საერთო ჯამში, რუსეთმა უკრაინაში გაუშვა 215 სხვადასხვა ტიპის რაკეტა და დრონი, მთავარი შეტევა იყო კიევზე, სადაც უკრაინის საჰაერო თავდაცვამ რუსეთის 112 საჰაერო სამიზნე ჩამოაგდო.
