პარასკევს, 25 აპრილს, 18:00 საათზე, ბათუმში, ევროპის მოედანზე, გაიმართება მედიის მხარდამჭერი საპროტესტო აქცია მზია ამაღლობელის უკანონო პატიმრობიდან გათავისუფლების მოთხოვნით.
მზია ამაღლობელს, რომელიც პირველი ქალი პოლიტპატიმარია საქართველოში საბჭოთა კავშირის დაშლის შემდეგ, 100 დღეზე მეტია უკანონოდ აქვს თავისუფლება აღკვეთილი.
პრესის საერთაშორისო ინსტიტუტის განცხადებით, მზია ამაღლობელის დაკავება აშკარა მცდელობაა საქართველოში მმართველი პარტია „ქართული ოცნების“ მხრიდან, რომ ჩაახშონ კრიტიკული ხმები, დააშინონ დამოუკიდებელი ჟურნალისტები და გაანადგურონ, რაც პრესის თავისუფლებისგან დარჩა საქართველოში.
ყველას, ვისთვისაც მნიშვნელოვანია სიტყვისა და გამოხატვის თავისუფლება, ვისაც გათავისებული აქვს მიუკერძოებელი და დამოუკიდებელი ჟურნალისტიკის მნიშვნელობა, გელით 25 აპრილს, 18:00 საათზე, ევროპის მოედანზე.
ერთად გავაპროტესტოთ ჟურნალისტი ქალის უკანონო პატიმრობა.
