8 წლის გიორგი ბერიშვილის დედა საზოგადოებას დახმარებას სთხოვს.
ეთერ ბარამიძე რამდენიმე წელია გიორგის გამოსაჯანმრთელებლად იბრძვის. დედის თქმით, გიორგი სამ-წლინახევრის იყო, როცა სიმსივნე დაუდასტურდა. მკურნალობის პერიოდში კი რამდენჯერმე გადაიტანა კოვიდი, რამაც მისი ჯანმრთელობის მდგომარეობა გაართულა.
„სამ-წლინახევრის იყო, ჩივილები ჰქონდა, გადავუღეთ და დაუდასტურდა კეთილთვისებიანი სიმსივნე. მკურნალობის ბოლო ეტაპზე იყო, როცა კოვიდი შეხვდა რამდენჯერმე.
გიორგის, რაც კოვიდი შეხვდა, უჭირს თამაში, გადაადგილება აპარატის გარეშე. სკოლაში ხან დაგვყავს, ხან ვერა, აპარატის გარეშე ვერ ძლებს“ – გვიყვება ეთერ ბერიძე.
მან გვითხრა, რომ ბოლო თვეებია სამ მცირეწლოვან შვილთან ერთად რაჭიდან ჩოხატაურში გადმოვიდა საცხოვრებლად, საცხოვრებლის შეცვლის გამო კი სოციალური დახმარება შეუჩერდათ.
დედას ახლა ყველაზე მეტად გიორგის მდგომარეობა აწუხებს და უნდა, შვილი თურქეთში წაიყვანოს დიაგნოზის დასაზუსტებლად:
„აქამდე, თბილისში, იაშვილის კლინიკაში ვმკურნალობდით, ჟანგბადის აპარატი დაუნიშნეს. ზუსტი დიაგნოზი არ ვიცით, შესაძლოა კოვიდმა დაუზიანა ფილტვი. სწორედ ამიტომ გვინდა თურქეთში წაყვანა გამოსაკვლევად და სამკურნალოდ. ჰაერის უკმარისობა აქვს, ჟანგბადის აპარატის გარეშე სუნთქვა უჭირს“ – ამბობს ეთერ ბერიძე.
ახლა ოჯახი თანხის შეგროვებას ცდილობს, რომ გიორგი თურქეთში გადაიყვანოს. დამოუკიდებლად ოჯახს ამის საშუალება არ აქვს. ეთერ ბარამიძის თქმით, ოჯახმა დასახმარებლად მიმართა ონის მუნიციპალიტეტს, რომელმაც ერთჯერადი დახმარება გაუწია, თუმცა ეს თანხა საკმარისი არ არის.
გიორგის დახმარების მსურველებს თანხის გადარიცხვა შეგიძლიათ შემდეგ ანგარიშებზე:
