თურქეთში, სტამბოლში განსაკუთრებით დიდი რაოდენობის ნარკოტიკი ამოიღეს.
საუბარია 733 კილოგრამ თხევად და 5 კილოგრამ მყარ მეტამფეტამინზე, რომელიც ორ მისამართზე ამოიღეს. თურქული მედიის ცნობით, პოლიციამ სამი ეჭვმიტანილი დააკავა სპეცოპერაციის შედეგად.
მედიის ცნობით, დაკავებულები ირანის მოქალაქეები არიან.
ამავე დროს, თურქეთის სხვადასხვა პროვინციაში პოლიციამ სხვადასხვა ოდენობის ნარკოტიკი ამოიღო.
ფაქტს ტვიტერზე გამოეხმაურა ქვეყნის შინაგან საქმეთა მინისტრი. მან თქვა, რომ სპეცოპერაცია ნარკოდანაშაულთან ბრძოლის ფარგლებში თვეების განმავლობაში მიმდინარეობდა 16 ქალაქში და ჯამში 99 ადამიანი დააკავეს.
