გარემოს ეროვნული სააგენტოს აჭარის რეგიონული ჰიდრომეტეოროლოგიური ობსერვატორიის ინფორმაციით, 27 ივლისის 21 საათიდან 28 ივლისის 21 საათამდე აჭარაში მოსალოდნელია დროგამოშვებით ღრუბლიანობის მომატება, ღამით უმეტესად – უნალექოდ, დღისით – წვიმა, დროგამოშვებით ზოგან ძლიერი.
იქროლებს დასავლეთის მიმართულების ქარი 10-15 მეტრი წამში, ზოგან – 17-22 მეტრი წამში.
ჰაერის ტემპერატურა სანაპირო და შიდამთიან რაიონებში იქნება:
- დღისით: 25 – 30 გრადუსი
- ღამით: 18 – 23 გრადუსი
ზღვის წყლის ტემპერატურა +27 გრადუსია. ზღვაზე მოსალოდნელია ღელვა – 4-5 ბალი.
გარემოს ეროვნული სააგენტოს ცნობით, ხვალიდან, 28 ივლისის დღის მეორე ნახევრიდან, 29 ივლისის დილამდე დასავლეთ საქართველოს უმეტეს და აღმოსავლეთ საქართველოს ზოგიერთ რაიონში მოსალოდნელია წვიმა, ცალკეულ რეგიონებში – ძლიერი, ხოლო აღმოსავლეთ საქართველოს ზოგიერთ რაიონში შესაძლებელია სეტყვა.
„მოსალოდნელმა ძლიერმა წვიმამ საქართველოს პატარა მდინარეებზე შესაძლებელია წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა-გააქტიურება გამოიწვიოს“ – იუწყება სააგენტო.
სინოპტიკოსების ცნობით, აჭარაში 29 ივლისს ღამით და დილით დროგამოშვებით წვიმაა მოსალოდნელი, 30-31 ივლისს კი – ძირითადად უნალექო ამინდი.
