უკრაინის თავდაცვის ძალებს ნაწილობრივი წარმატება ჰქონდათ და მაგრდებიან ორი მიმართულებით: რივნოპოლი – სტარომაიორსკოე დონეცკის ოლქში და ბელოგოროვკა – დიბროვა ლუგანსკისა და დონეცკის ოლქებში – ამის შესახებ ინფორმაციას უკრაინის შეიარაღებული ძალების გენერალური შტაბი ავრცელებს.
„როვნოპოლის – სტარომაიორსკოეს მიმართულებით, უკრაინის თავდაცვის ძალებმა მიაღწიეს ნაწილობრივ წარმატებას, მაგრდებიან მიღწეულ ხაზებზე, არტილერიით უტევენ მტრის გამოვლენილ სამიზნეებს… მტერი იყენებს რეზერვებს, ცდილობს დაკარგული პოზიციის აღდგენას და ამავდროულად მძიმე დანაკარგები აქვს“ – წერს უკრაინის გენშტაბი.
გენერალური შტაბი იუწყება, რომ უკრაინის თავდაცვის ძალები აგრძელებენ შეტევით ოპერაციას სამი მიმართულებით: მელიტოპოლი, ბერდიანსკი და ლიმანი.
ამავდროულად, უკრაინული გამოცემა „უკრაინსკაია პრავდა“ წყაროებზე დაყრდნობით წერს, რომ ფრონტზე ლიმანის მიმართულებით სიტუაცია უფრო რთულია, ვიდრე ოფიციალურ მოხსენებაშია ნათქვამი და უკრაინის თავდაცვის ძალები პოზიციას კარგავენ კრემენნაიას მახლობლად მდებარე ტყეში.
________________
ფოტო: უკრაინის გენშტაბი/facebook
