ართვინის რაიონში, იუსუფელში, იქ სადაც კაშხლის გამო ახალი დასახლება ააშენეს, მეწყერი ჩამოწვა.
გავრცელებულ კადრებში ჩანს, რომ მეწყერი იმ მთის ერთ-ერთ ფერდზე ჩამოწვა, რომელზეც ხიდი შენდებოდა.
როგორც თურქული გამოცემები წერენ, „ხიდის ირგვლივ ციცაბო ფერდობზე ნიადაგი და კლდის მასები მეწყრის შედეგად სწრაფად ჩაცურდა წყალსაცავში, წარმოქმნილი მტვრის ღრუბელმა კი გარემო დაფარა“.
მეწყრის ჩამოწოლის მომენტი რამადან ბაირამის დღესასწაულზე სასაფლაოებზე გასულმა მოქალაქეებმა აღბეჭდეს ტელეფონზე.
„ართვინში, იუსუფელის ახალი დასახლებიდან ეს გზა მანქანებით გავიარეთ. ამ ადგილიდან მეორე მხარე მთლიანად ჩამოიშალა. გზები ჩაკეტილია. ძალიან სამარცხვინოა, რომ ხიდის ძირში ჩამოწვა მეწყერი. იუსუფელის ახალ დასახლებაში მცხოვრები ხალხი ბედის ანაბარა მიატოვეს.
ჩვენ ეს ადგილები ცოტახნის წინ გავიარეთ და არაფერი არ არის სწორად გაკეთებული. ეს არის ქვეყნის სირცხვილი,“ – ერთ-ერთი ადგილობრივის კომენტარს თურქული გამოცემა SonDakika- ავრცელებს.
