უკრაინული მედია The New York Times-ზე დაყრდნობით წერს, რომ ოქტომბერში მასირებული სარაკეტო თავდასხმების შემდეგ, რაკეტების ჩამოვარდნის ადგილას, დაზვერვამ მფრინავი რაკეტის – Х-55-ის ნამსხვრევები იპოვა. ეს რაკეტა კი უკრაინაშია დამზადებული.
მედიის ინფორმაციით, ამის შესახებ უკრაინის დაზვერვის სამსახურის უფროსის მოადგილემ, ვადიმ სკიბიცკიმ ისაუბრა. ინფორმაციას კი ადასტურებს როგორც პენტაგონი, ისე ბრიტანეთის დაზვერვა.
სკიბიცკის თქმით, რაკეტები და ბომბდამშენები რუსეთს 1990-იან წლებში გადასცა უკრაინამ, ბუდაპეშტის მემორანდუმის ფარგლებში, რომლის მიზანიც იყო უკრაინის სუვერენიტეტისა და ტერიტორიული მთლიანობის უზრუნველყოფა.
წაიკითხეთ: აღარასოდეს გვითხრათ, რომ ჩვენი არმია არ აკმაყოფილებს ნატო-ს სტანდარტებს – ზელენსკი
„ასევე გადავეცით ყველა ბალისტიკური რაკეტა, სტრატეგიული ბომბდამშენები Ту -160 და Ту-95. ახლა ამ ბომბდამშენების გამოყენებით ჩვენ Х-55-ის რაკეტებს გვესვრიან. აჯობებდა, რომ ჩვენ ისინი აშშ-თვის გადაგვეცა“, – განაცხადა დაზვერვის წარმომადგენელმა.
რაკეტების ჩამოვარდნის ადგილას, ორი X-55-ის ფრაგმენტები ნოემბერშიც აღმოაჩინეს უკრაინელმა სამხედროებმა. ისინიც 1990-იანი წლების ტრანშის ფარგლებში აღმოჩნდა რუსეთის ხელში.
ეს იყო ბგერითი მფრინავი რაკეტა Х -55-ის ფრაგმენტები. ეს რაკეტები ბირთვული ქობინით 1970-იან წლებში შეიქმნა.
გენერალ ვადიმ სკიბიცკის განაცხადებით, რაკეტებს გამოაცალეს საბრძოლო ქობინები და დაამატეს ბალასტი იმის შესანიღბად, რომ ისინი ცარიელი არ არის.
მისი თქმით, ოკუპანტები ამ რაკეტებს უკრაინულ საჰაერო თავდაცვის სისტემის მოსატყუებლად იყენებენ: თავდაპირველად უშვებენ X-55-ს, შემდეგ კი უფრო თანამედროვე და მძლავრ რაკეტებს.
„ჩვენი გათვლებით, მათ კიდევ 3-5 მასირებული შეტევისთვის აქვთ რაკეტები. ეს იმ შემთხვევაში, თუ ერთი შეტევისთვის განსაზღვრულია 80-დან 90-მდე რაკეტა“, – დასძინა სკიბიცკიმ.
სკიბიცკის თქმით, სარაკეტო თავდასხმისთვის მტერი იყენებს ოთხი ძირითად მიმართულებას – ეს არის შავი და კასპიის ზღვები, რუსეთის აღმოსავლეთი ნაწილი და ბელორუსი.
