გლობალური დათბობის გამო თურქეთში, ქვეყნის ყველაზე დიდ, ვანის ტბაში წყლის დონე იკლებს.
წყლის დონის შემცირებაზე გავლენას ახდენს ისეთი ფაქტორები, როგორიცა: გვალვა, ნალექის შემცირება და აორთქლება.
სპეციალისტების თქმით, ვანის ტბის ფართობი 140 სანტიმეტრით შემცირდა ბოლო 10 წლის განმავლობაში.
ტბაში წყლის დონის დაწევის შემდეგ საფრთხის ქვეშ აღმოჩნდა მიკროორგანიზმების შემცველი ქანები, რომლებიც ტბის ფსკერზე ათასობით წლის განმავლობაში წარმოიქმნა. ქანები, რომლებსაც თურქეთში წყალქვეშა „ზღაპრულ ბუხრებს“ უწოდებენ, უკვე სანაპიროდანაც ჩანს.
სპეციალისტები შიშობენ, რომ დროთა განმავლობაში წყლის ზედაპირზე ამოსული ქანები გაქრება ეროზიისა და ამინდის უარყოფითი ზემოქმედების გამო.
ფოტო: aa.com/სააგენტო ანადოლუ
