„კეთილი ნების გამოვლინება“ დამპყრობლებისგან – ასე უწოდა ინციდენტს უკრაინის გენშტაბმა, რომელმაც თავის ფეისბუქგვერდზე შემთხვევის დეტალები გამოაქვეყნა.
„სამი რუსული Ka-52 ხერსონის რეგიონში ჩვენს დანაყოფებზე თავდასხმას აპირებდა, თუმცა საკუთარ ძალებს დაარტყეს. ოკუპანტებს რუსეთის ჰაერსაწინააღმდეგო თავდაცვამ „მეგობრული“ ცეცხლი გაუხსნა. რუსეთის საჰაერო თავდაცვა დიდი სიზუსტით არასდროს გამოირჩეოდა, შესაბამისად, რუსებმა თავისი სამი ვერტმფრენიდან მხოლოდ ერთი ჩამოაგდეს. რა სამწუხაროა…“ – წერს უკრაინის გენშტაბი.
მსგავსი შემთხვევის შესახებ 2 ივლისს პრეზიდენტის ადმინისტრაციის მრჩეველი, ოლექსი არესტოვიჩიც ჰყვებოდა.
„საინტერესო ახალი ამბავი გვაქვს, ეს ესაა რუსულმა ავიაციამ ააცილა და ხერსონის ოლქში საკუთარი პოზიციები დაბომბა, ძალიან ზუსტადაც გაარტყა“, – თქვა არესტოვიჩმა Фейгин Live-ის ეთერში.
