ბათუმში, გორგილაძის ქუჩაზე მოტოციკლეტი 8 წლის ბავშვს დაეჯახა.
სასწრაფო-სამედიცინო სამსახურის ინფორმაციით, ბავშვი თავის ზედაპირული ტრავმით გადაიყვანეს ბათუმის იაშვილის სახელობის კლინიკაში. „ბათუმელები“ იაშვილის კლინიკას დაუკავშირდა, თუმცა აქ არ აზუსტებენ ინფორმაციას ბავშვის ჯანმრთელობის მდგომარეობის შესახებ.
შინაგან საქმეთა სამინისტროს ინფორმაციით, გამოძიება დაიწყო სისხლის სამართლის კოდექსის 276-ე მუხლის შესაბამისად.
