რუსეთის შეიარაღებულმა ძალებმა უკრაინის ქალაქ სევეროდონეცკში უკან დაიხიეს. აქამდე რუსი სამხედროები ქალაქის 70-პროცენტზე მეტს აკონტროლებდნენ, ამჟამად კი – ქალაქის ნახევარს. ინფორმაციას ამის შესახებ ლუგანსკის ადმინისტრაციის ხელმძღვანელი, სერგეი გაიდაი ავრცელებს.
სევეროდონეცკში რუსი ჯარისკაცების უკან დახევის შესახებ ინფორმაცია რამდენიმე დღე ვრცელდება. გაიდაი ჯერ კიდევ 3 დღის წინ წერდა ტელეგრამზე, რომ უკრაინელმა სამხედროებმა ქალაქის 70-პროცენტიანი ოკუპაციის შემდეგ აიძულეს რუსი ჯარისკაცები უკან დაეხიათ.
სერგეი გაიდაის თქმით, რუსეთის არმიამ დაკარგა ბევრი ჯარისკაცი, 8 რუსი მებრძოლი ტყვედ ჩავარდა.
გაიდაის ინფორმაციით, რუსეთი მიზნად ისახავს სევეროდონეცკის და ლისიჩანსკ-ბახმუტის მაგისტრალის დაკავებას.
ამავე თემაზე:
საოცრება ხდება რუსეთის გენშტაბში, მე-3 ეტაპზე უკრაინამ უნდა დაასწროს კონტრდარტყმა – ინტერვიუ
