უკრაინის ქალაქ სევეროდონეცკის ნაწილს რუსეთის შეიარაღებული ძალები აკონტროლებენ. ამის შესახებ დღეს, 31 მაისს, განაცხადა ლუგანსკის რეგიონული სამხედრო ადმინისტრაციის ხელმძღვანელმა, სერგეი გაიდაიმ.
მისი თქმით, ლუგანსკის რეგიონში მდგომარეობა უკიდურესად რთულია, სევეროდონეცკის ნაწილს ამ დროისთვის რუსები აკონტროლებენ, თუმცა ქალაქში რჩებიან უკრაინელი მებრძოლები და რუსებს თავისუფლად გადაადგილება არ შეუძლიათ.
გაიდაი ამბობს, რომ ოკუპანტები გეგმავენ ოპერაციას სევეროდენცკის მიმდებარე სოფლების გასასუფთავებლად.
მისივე თქმით, ჯერ კიდევ უცნობია გუშინ, 30 მაისს, სასწრაფო მანქანიდან დაკარგული 3 ექიმის ბედი.
გაიდაის თქმით, უკრაინულ ჯარებს სევეროდონეცკში ალყა არ ემუქრებათ და მათ აქვთ უკან დახევის შესაძლებლობა.
ლუგანსკის რეგიონული სამხედრო ადმინისტრაციის ხელმძღვანელი ტელეგრამში წერს, რომ გასულ 24 საათში სევეროდენცკში 12 სახლი დაზიანდა და რუსების ძირითადი ძალისხმევა ახლა მიმართულია ქალაქ სევეროდონეცკზე კონტროლის დამყარებაზე.
„შტურმით მოდიან, მაგრამ უშედეგოდ, ბრძოლები გრძელდება,“ – წერს გაიდაი.
_________________
ფოტოზე: რუსეთის მიერ დაბომბილი სოფელი დონეცკის ოლქში. 2022 წლის 29 მაისი. ფოტო: EPA-EFE/STR
