უკრაინის პრეზიდენტის მრჩეველი, მიხაილო პოდოლიაკი წერს, რომ დღეს, 18 აპრილს, ლვოვში სამოქალაქო ინფრასტრუქტურაზე 5 ძლიერი სარაკეტო თავდასხმა განხორციელდა.
„ძველ ევროპულ ლვოვში, სამოქალაქო ინფრასტრუქტურაზე ერთდროულად განხორციელდა 5 ძლიერი სარაკეტო თავდასხმა. რუსეთი აგრძელებს უკრაინულ ქალაქებზე ბარბაროსულ თავდასხმას, მთელი მსოფლიოსთვის ცინიკურად დეკლარირებას, რომ მათი „უფლებაა“… უკრაინელთა დახოცვა“, – აცხადებს პოდოლიაკი.
Five powerful missile strikes at once on the civilian infrastructure of the old European Lviv. The Russians continue barbarically attacking Ukrainian cities from the air, cynically declaring to the whole world their “right” to… kill Ukrainians.
— Михайло Подоляк (@Podolyak_M) April 18, 2022
სოციალურ ქსელებში ვრცელდება ვიდეოც. ამ დრომდე ოფიციალურ კიევს ვიზუალური მასალა არ გამოუქვეყნებია.
5 Rocket Attacks on #Lviv in Western #Ukraine about 40 miles from the #Poland border pic.twitter.com/WCtqQoAIBx
— 💤Dr_Shahid💤 (@Dr_ShahidPk) April 18, 2022
ლვოვი უკრაინის დასავლეთით, პოლონეთის საზღვარზე მდებარე ქალაქია. მსხვერპლისა და ზარალის შესახებ ლვოვის მერიას ჯერჯერობით ინფორმაცია არ გაუვრცელებია.
უკრაინელი დევნილები ძირითადად ქალაქ ლვოვში იყრიან თავს, საიდანაც ახერხებენ ევროპაში გასვლას. უკრაინა უკვე დატოვა რამდენიმე მილიონმა ადამიანმა.
