საქართველოს პრეზიდენტმა სალომე ზურაბიშვილმა twitter-ზე რამდენიმე წუთის წინ უკრაინის მხარდამჭერი პოსტი გამოაქვეყნა.
„ქართველი ხალხი შოკირებულია რუსეთის აგრესიის გამო უკრაინელი ხალხის მიმართ. ჩვენ სოლიდარობას ვუცხადებთ უკრაინელ ხალხს და მოვუწოდებთ სამხედრო ოპერაციების შეწყვეტისკენ. დიდება უკრაინას“ – წერს სალომე ზურაბიშვილი.
დღეს, 24 თებერვალს რუსეთმა სრულმასშტაბიანი ომი დაიწყო უკრაინაში. ამ დრომდე განცხადება არ გაუკეთებია საქართველოს მთავრობას. ომის დაწყებას ტვიტერზე გამოეხმაურა საქართველოს პარლამენტის თავმჯდომარე, შალვა პაპუაშვილი და საერთაშორისო საზოგადოებას ქმედითი ნაბიჯების გადადგმისკენ მოუწოდა.
