სამი თვის განმავლობაში საქართველოში 21 ადამიანი დაიღუპა და 885 დაშავდა სარკინიგზო გადასასვლელზე.
საუბარია 2021 წლის ივლისიდან სექტემბრის ჩათვლით პერიოდზე. ამ სამ თვეში საქართველოში 116 ადამიანი დაიღუპა საგზაო-სატრანსპორტო ავარიის შედეგად, ხოლო 2151 პირი დაშავდა.
სტატისტიკის თანახმად, გასულ 3 თვეში ავტოავარიის დროს ყველაზე ხშირად სიკვდილის გამომწვევი მიზეზი რკინიგზის გადასასვლელის გავლის წესის დარღვევა [21 დაღუპული] და შემხვედრი მოძრაობის ზოლში გადასვლა ან გასწრების წესების დარღვევა იყო – დაიღუპა 21 ადამიანი.
2021 წლის იანვრიდან სექტემბრის ჩათვლით საქართველოში 305 ადამიანი დაიღუპა ავტოსაგზაო ავარიის შედეგად. ამ 9 თვეში მსხვერპლით დასრულებული ავარიების მთავარი მიზეზების სტატისტიკა ასე ნაწილდება:
- რკინიგზის გადასასვლელის გავლის წესის დარღვევა – დაიღუპა 65 ადამიანი
- შემხვედრი მოძრაობის ზოლში გადასვლა ან გასწრების წესების დარღვევა – დაიღუპა 44 ადამიანი
- მოძრაობის დადგენილი სიჩქარის გადაჭარბება – დაიღუპა 28 ადამიანი
საქართველოში, სტატისტიკის თანახმად, ავტოავარიის დროს სიკვდილის ყველაზე ხშირად გამომწვევი მიზეზი რკინიგზის გადასასვლელის გავლის წესის დარღვევაა – გასულ, 2020 წელს, 122 ადამიანი დაიღუპა ამ მიზეზით.
