აჭარის დასაქმების სააგენტოს ექვსივე მუნიციპალიტეტში [ბათუმის ჩათვლით] აქვს ოფისები, სადაც შესაძლებელია მათი მომსახურების მიღება, თუმცა აუდიტის სამსახურის ანგარიშში აღნიშნულია, რომ „სააგენტოს ვებგვერდის მეშვეობით ძირითადი და სრული მომსახურების მიღება ინტერნეტით არ არის შესაძლებელი“.
აუდიტის ინფორმაციით, სააგენტოს მოქმედ ვებგვერდზე დარეგისტრირებული სამუშაოს მაძიებლები და ვაკანსიები არ ხვდებიან სააგენტოს ბაზაში, რომელსაც სააგენტო ცალკე პროგრამულად [პროგრამა არ არის ინტეგრირებული ვებგვერდთან] აწარმოებს და პირიქით, ბაზაში დარეგისტრირებული მონაცემები არ აისახება სააგენტოს ოფიციალურ ვებგვერდზე.
ანუ, თუ პირმა განახორციელა რეგისტრაცია საიტზე, ის არ მოხვდება სააგენტოს მთავარ საინფორმაციო ბაზაში და პირიქით, თუ პირმა გაიარა რეგისტრაცია საინფორმაციო ბაზაში, რომელიც შესაძლებელია მხოლოდ რეგიონულ ოფისში გამოცხადების შემდგომ, აღნიშნული არ მოხვდება სააგენტოს ოფიციალურ ვებგვერდზე.
აღნიშნულის გამო ვებგვერდის მეშვეობით დარეგისტრირებული სამუშაოს მაძიებლებს არ აქვთ შესაძლებლობა მიიღონ სააგენტოში შესული ყველა ვაკანსიის შესახებ ინფორმაცია, რითაც იზღუდება სააგენტოს მომსახურების საჯაროობა.
მაგალითისათვის აუდიტის სამსახური ერთმანეთს ადარებს 2015 წელს პროგრამულ ბაზაში და საიტზე დარეგისტრირებული ვაკანსიების რაოდენობას თვეების მიხედვით:
„როგორც აღნიშნული გრაფიკიდან ჩანს, მაგალითად, 2015 წლის იანვარში ბაზაში რეგისტრირებულია ახალი 72 ვაკანსია, ხოლო საიტზე – 7 ვაკანსია. შესაბამისად, სამუშაოს მაძიებელს, რომელიც დაინტერესებულია მისთვის საინტერესო ვაკანსიაზე განაცხადის გაკეთებით, არ აქვს შესაძლებლობა მიიღოს ინფორმაცია ბაზაში არსებული 72 ვაკანსიის შესახებ, თუ ის არ გამოცხადდება ბათუმის ოფისში და ადგილზე არ მიიღებს აღნიშნულ ინფორმაციას. იმის გათვალისწინებით, რომ სააგენტოს ვებგვერდი ერთადერთი საშუალებაა მომხმარებლისათვის ინტერნეტით მიიღოს ინფორმაცია რეგიონში არსებული ვაკანსიების შესახებ ნაკლებადეფექტიანია და ვერ უზრუნველყოფს მომხმარებლის სრულ ინფორმირებულობას,“ – აღნიშნულია აუდიტის ანგარიშში.
ამავე ანგარიშის მიხედვით: „სააგენტოს ასევე გააჩნია facebook გვერდი, რომელზეც ძირითადად სააგენტოს ოფიციალურ ვებგვერდზე არსებული ვაკანსიების მცირე ნაწილის და სხვა ინფორმაციის გაზიარება ხდება. მომსახურების საჯაროობის უზრუნველსაყოფად, სააგენტომ 2012 წლიდან დღემდე შეისყიდა ორი ვებგვერდის შექმნის და hosting-ის მომსახურება. 2012 წლის დასაწყისში ვებ-გვერდის https://www.employmentajara.gov.ge შესყიდვაზე გაიხარჯა 1900 ლარი, ხოლო მის მომსახურებაზე (hosting) 600 ლარი. თუმცა სააგენტოს გადაწყვეტილებით ჰოსტინგი დაიხურა და აღნიშნული ვებ-გვერდი ჩანაცვლდა https://www.hrajara.gov.ge/-ით, რომელიც მოქმედებს 2015 წლის იანვრიდან. ძველი ვებ-გვერდის შესაძლებლობების და მისი გაუქმების მიზეზების შესახებ აუდიტის ჯგუფმა ვერ მიიღო შესაბამისი განმარტება“.
აუდიტის სამსახურის ინფორმაციით, სააგენტომ უნდა „უზრუნველყოს ეფექტიანი ვებპორტალის ფუქნციონირება, რომელიც დაკავშირებული იქნება მთავარ საინფორმაციო ბაზებთან და სრულ ინფორმაციას მიაწვდის როგორც სამუშაოს მაძიებლებს, ასევე დამსაქმებლებს არსებული ვაკანსიების შესახებ“.
ამავე ანგარიშის მიხედვით: „დასაქმების სააგენტოს 2015 წელს არ ჰქონდა შემუშავებული გადამზადების პროგრამის შედეგების შეფასების მექანიზმი. პროგრამაში არ არის გაწერილი დასაქმების მოსალოდნელი მაჩვენებელი, რაც შედეგების მონიტორინგის შესაძლებლობას ზღუდავს. ასევე, უკვე გადამზადებული პირების დასაქმების დონის განსაზღვრის მიზნით სააგენტო არ აწარმოებს სარწმუნო მონაცემებს
