დღეს, 27 აპრილს, ბათუმის საკრებულოს სხდომაზე საკრებულოს თავმჯდომარემ, სულიკო თებიძემ განაცხადა, რომ დაწყებულია ბულვარის მერიისთვის გადაცემის პროცედურები.
მან სხდომაზე მყოფ ბათუმის მერის მოვალეობის შემსრულებელს, არჩილ ჩიქოვანს მიმართა, რომ ეს პროცედურები დააჩქაროს.
სულიკო თებიძემ ასევე თქვა, რომ არ აპირებდა კომენტარის გაკეთებას ბულვარის ადმინისტრაციის ყოფილი დირექტორის, ირაკლი ჯინჭარაძის „არაადეკვატურ ქცევაზე“, მაგრამ მაინც გადაწყვიტა თქვას, რომ ის თავის თანამშრომელს მხოლოდ ასეთი ქცევისთვის გაათავისუფლებდა.
„ასე არაადეკვატურად რომ მოქცეულიყო ჩემი თანამშრომელი, მხოლოდ ასეთი მოქცევის გამო გავათავისუფლებდი“, – განაცხადა სულიკო თებიძემ.
